پوتین: نۆوه ساواشی تهلوکه‌سی آرتدی
"باتیلی اینسان حاقلاری تشکیلاتلاری، روسیانی هئچ بیر شکیلده وار اولما حاقی اولمایان ایکینجی درجه‌لی بیر اؤلکه کیمی گؤرورلر"
روسیا دؤولت باشقانی ولادیمیر پوتین نۆوه ساواشی تهلوکه‌سینین آرتدیغینی بلدیررک،
"روسیا (نۆوه سلاحینیدان) ایلک ایستیفاده ائتمه‌یه‌جک، ایلک ایستفاده ائتمه‌یه‌جک ایسه ایکینجی ده اولمایاجاق" دئدی.
پوتین توپلوم و اینسان حاقلارینین گلیشدیرمه شوراسین توپلانتیسینداکی دانیشماسیندا، دونباس‌دا یاشایانلارین اینسان حاقلارینین ۸ ایلدیر پوزولدوغونو، اولوسلارآراسی قورولوشلارین بونو گؤرمزدن گلدیگینی ایفاده ائتدی.
اوکراینادا باشلاتدیقلاری "اؤزل حربی عملیات"دان سونرا بیرلشمیش میللتلر اینسان حاقلاری شوراسی، آوروپا شوراسی و دیگر اینسان حاقلاری قورولوشلارینین "آییلدیغینی" بیلدیره‌ن پوتین،
"بوتون بونلار، بو قورولوشلارین اؤز نظامنامه‌لرین‌ده‌کی وظیفه‌لرینی یئرینه یئتیره‌مه‌یه جگینی گؤستردی. بارز اؤن‌یارغیلاری ندنی ایله، روسیا بو تشکیلاتلارداکی عضولوگونو بیتیرمه‌لی اولدو" دئدی.
باتیلی اینسان حاقلاری تشکیلاتلارینین "روسیانی هئچ بیر شکیلده وار اولما حاقی اولمایان ایکینجی درجه‌لی بیر اؤلکه کیمی گؤردوکلرینی" ایفاده ائدن پوتین، میللی چیخارلاری اوچون موختلیف یول و آراجلارلا موباریزه آپاراجاقلارینی بیلدیردی.
پوتین، "ایلک نؤوبه‌ده، البته کی، باریشچیل یوللارادان گئده‌جییک. اما گئرییه هئچ بیر شئی قالماسا الیمیزده‌کی بوتون ایمکانلارلا اؤزوموزو مدافعه ائدجییک" دئدی.
اتم ساواشی احتیمالی ایله باغلی دانیشان پوتین:
"نۆوه ساواشی تهلوکه‌سی آرتیر. روسیا (نۆوه سلاحینیدان) ایلک ایستیفاده ائتمه‌یه‌جک، ایلک ایستفاده ائتمه‌یه‌جک ایسه ایکینجی ده اولمایاجاق. چونکو تورپاقلاریمیزا قارشی نۆوه سلاحین‌دان ایستیفاده ایمکانلاری چوخ محدوددور" دئدی.
پوتین نۆوه سلاحین‌دان ایستیفاده‌ن اختمالیندان دانیشمادیقلارینی، ساده‌جه، بونا جاواب اولاراق بعضی تدبیرلر گؤردوکلرینی بیلدیردی.
