افغانیستان یئنه تیتره‌دی
مرکزی هراتین ۲۸ کیلومتر قوزئی و قوزئی باتیسی آراسیندا اولان ۶،۳ بؤیوکلوگونده زلزله میدانا گلدی
افغانیستانین هرات ویلایتی، جمعه ائرته‌سی گونو میدانا گلن شدتلی زلز‌له‌لردن سونرا ۶،۳ و ۵ بؤیوکلوگونده‌کی زلزله‌لرله یئنیدن سارسیلدی.
آمریکا ژئولوژیک آراشدیرمالار مرکزینه گؤره، یئرلی ساعاتلا ۰۵.۱۱ده مرکزی هراتین ۲۸ کیلومتر قوزئی و قوزئی باتیسی آراسیندا اولان ۶،۳ بؤیوکلوگونده زلزله میدانا گلدی.
بو زلزله‌دن ۱۱ دقیقه سونرا یئنه عینی بؤلگه‌ده ۵ بؤیوکلوگونده ایکینجی بیر سارسینتی اولدو.
هر ایکی دئپرمین ده ۱۰ کیلومتر درینلیکده میدانا گلدیگی بیلدیریلدی.
زلز‌له‌لرین آردیندان هرات‌لیلار قورخو ایچینده کوچه‌لره آخین ائدرکه‌ن شهرده قیسا مدتلی الکتریک کسینتیسی یاشاندی.
۷ اکتبردا افغانیستانین باتیسیندا، ایران سرحدینده اولان هرات ویلایتینده یئرلی ساعاتلا ۱۱.۰۰دا آرد آردا شدتلی زلز‌له‌لر میدانا گلمیشدی.
ایلکی ۶،۳ بؤیوکلوگونده اولان زلز‌له‌لری قیسا مدت ایچریسینده ۵،۵، ۶،۳ و ۵،۹ بؤیوکلوگونده زلز‌له‌لر ایزله‌میشدی.
طالبان گئچیجی حکومتی زلز‌له‌ده بو آنا قدر تخمیناً ۲ مین ۵۰۰ نفرین حیاتینی ایتیردیگینی، مینلرجه اینسانین یارالاندیغینی آچیقلامیشدی.
سؤزو گئدن زلز‌له‌لرین آردیندان بؤلگه‌ده هله ده آردچی زلز‌له‌لر میدانا گلیر. بؤلگه خالقی آردچی سارسینتیلار سببی ایله ائولرینه گیره‌بیلمیر.
