غزهده ۶ میندن چوخ اوشاق اؤلدو
غزه یولاغیندا اؤلدورولهن فیلیسطینلیلرین ساییسی ۶ میندن چوخو اوشاق، ۴ مینی قادین اولماق اوزره ۱۴ مین ۵۳۲ نفره چیخدی
ایسرائیل اوردوسونون هفتهلردیر آغیر سالدیری آلتیندا توتدوغو و حماس ایله واریلان "چاتیشمالارا آرا وئریلمهسی و اسیر دییشیمی" آنلاشماسینین بو گون قوهیه گیرهجگی غزه یولاغیندا اؤلدورولهن فیلیسطینلیلرین ساییسی ۶ میندن چوخو اوشاق، ۴ مینی قادین اولماق اوزره ۱۴ مین ۵۳۲ نفره چیخدی.
غزهدهکی مئدیا اوفیسیندن وئریلهن آچیقلامادا، ایسرائیلین سالدیریلاریندا ۴۷ گونده، ۲۰۵ ساغلیق چالیشانی، ۲۵ سیویل ساوونما گؤرهولیسی و ۶۴ ژورنالیستین ده اؤلدوگو وورغولاندی.
یارالانانلارین ساییسینین ایسه ۳۵ مینی آشدیغی بیلدیریلرکن، بونلارین یوزده ۷۵یندن چوخونون قادین و اوشاقلاردان اولوشدوغو ایفاده ائدیلدی.
ایسرائیل سالدیریلاریندا ۱۰۲ دؤولت بیناسینین ییخیلدیغی، ۲۶۶ اوخولون زیان گؤردوگو و بونلاردان ۶۷سینین خیدمت وئرهبیلمهیهجک وضعیتده اولدوغو قید ائدیلدی.
آچیقلامادا، ایسرائیلین سالدیریلارییلا ۸۵ مسجدی تامامیله ییخدیغی، ۱۷۴ مسجد ایله ۳ کلسهیه ده ضرر وئردیگی بیلدیریلدی.