غزهده 108 گونده 11 مین اوشاق اؤلدو
ایسرائیلین 108 گوندور غزهیه تشکیل ائتدیگی هوجوملاردا اؤلن 24 مین 490 نفردن 11 مینی اوشاق و 7500 ده قادینین حیاتینی ایتیردیگی بیلدیریلیب
2092482
ایسرائیل غزه زولاغیندا 108 گونده 11 مین اوشاغی اؤلدوروب.
بو بارهده غزهدهکی حکومتین مئدیا اوفیسیندن آچیقلاما وئریلیب.
آچیقلامایا گؤره، ایسرائیلین 108 گوندور غزهیه تشکیل ائتدیگی هوجوملاردا اؤلن 24 مین 490 نفردن 11 مینی اوشاق و 7500 ده قادینین حیاتینی ایتیردیگی بیلدیریلیب.
غزهده 70 فائیزی قادین و اوشاق اولماقلا 7 مین نفرین هله ده داغینتیلار آلتیندا قالدیغی و یا اینگین دوشدوگو و 63 مین 354 نفرین ده یارالاندیغی بیلدیریلیب.
بیرلشمیش میللتلر تشکیلاتی باش کاتیبینین اینسانی مسئلهلر معاوینی و فووقالعاده حاللار کووردیناتورو مارتین گریفیتس سوسیال مئدیا حسابیندا "7 اوکتبردان بو یانا غزهیه قارشی وحشیلیکلرده آزالما موشاهیده اولونماییب" دییرهک غزهده هر ساعاتدا 2 آنانین اؤلدورولدوگونو بیلدیریب.