پاکیستاندان قونشو اؤلکلره سرت مئساژلار

پاکیستان قورو قوشونلارینین قوماندانی ژنرال عاصم منیر، بیلیم‌یوردو اؤیرنجیلری ایله گؤروشدوگو تدبیرده قونشو اؤلکه‌لره سرت مئساژلار وئریب.

ژنرال مونیر پایتاخت ایسلام‌آباددا بیلیم‌یوردو اؤیرنجیلری ایله کئچیریلن پروگرامدا هیندیستان، ایران و افغانیستانلا باغلی آچیقلامالار وئریب.

منیر پاکیستانین 50 ایل عرضینده 5 میلیون افغانیستان وطنداشینی باریندیردیغینا دیققت چکیب، "اوشاقلاریمیزا گلینجه، اونلارا هوجوم ائدنلرین آرخاسینجا گئده‌جییک». دئدی.

مونیر، بلوچیستانداکی آیریلیقچی حرکاتلارین اوزون موددتدیر افغانیستان طرفیندن دستکلندیگینی ادعا ائده‌رک، کابیلین پاکیستانا هئچ واخت دوستلوق نوماییش ائتدیرمدی‌یگنی بیلدیریب.

پاکیستانین موستقیللیک الده ائتدیکدن سونرا بیرلشمیش میللتلر تشکیلاتینا عضو اولماسینا یالنیز افغانیستانین قارشی چیخدیغینی خاطیرلادان منیر، پاکیستان خالقینین تاریخ اوخومادیغینی قئید ائدیب.

ایسلام‌آباد دؤولتی اونا قارشی موباریزه آپاران پاکیستان طالبانینین افغانیستاندا یئرلشدی‌یینی و طالبان دؤولتینین بو تشکیلاتا قارشی تدبیر گؤرمدی‌یینی ادعا ائدیر.

هیندیستانلا موناسیبتلره گلینجه، منیر یئنی دهلینین پاکیستانین موستقیل دؤولت اولماسینی قبول ائده بیلمیه‌جیگینی ایفاده ائدرک، "یاخشی، بو حالدا هیندیستانلا نئجه آنلاشا بیلریک؟" دئدی.

ایرانین پاکیستانا راکت هوجوملارینا توخونان منیر، "بیزی کوره‌ییمیزدن بیچاقلایا بیلمزسینیز. بونو ائتسنیز، لازیمی جاوابی آلاجاقسینیز." دئدی.

ژنرال منیر قئید ائدیب کی، هئچ کیم پاکیستانین حاکیمیت و اراضی بوتؤولویونو پوزا بیلمز.