شهباز شریفدن تورکیه ایله تیجارتین گئنیشله‌دیلمه‌سی چاغریسی
باشباخان شریف، تورکیه‌نین ایسلام آباد ائلچیسی محمد پاچاجینی باشکند ایسلام آبادداکی باشباخانلیق اوفیسینده قبول ائتدی
پاکیستان‌دا مجلیس سس وئرمه‌سی ایله ایکینجی دفعه باشباخان سئچیله‌ن شهباز شریف، تورکیه ایله ایکیلی تیجارتین گئنیشله‌دیلمه‌سی چاغریسی ائتدی.
باشباخان شریف، تورکیه‌نین ایسلام آباد ائلچیسی محمد پاچاجینی باشکند ایسلام آبادداکی باشباخانلیق اوفیسینده قبول ائتدی.
گؤروشمه‌ده شریف، تورکیه ایله پاکیستان آراسینداکی ۵ میلیارد دلارلیق تیجارت هدفینه چاتیلابیلمه‌سی اوچون تیجارتین گئنیشله‌دیلمه‌سی لازیم اولدوغونو ایفاده ائتدی.
شریف، پاکیستان و تورکیه‌نین تمل مؤوضوعلاردا بیر بیرلرینی داواملی دستکله‌دیکلرینی و گله‌جک‌ده ده دستکله‌مه‌یه داوام ائد‌جکلرینی ایفاده ائتدی.
جمهورباشقانی رجب طیب اردوغانین اؤزونو یئنی وظیفه‌سی اوچون تلفنلا تبریک ائتمه‌سیندن ممنون اولدوغونو سؤیله‌یه‌ن شریف، میللی محاریب اوچاغی کاآنین باشاریلی اوچوشو اوچون تورکیه‌نی تبریک ائتدی.
شریف، تورکیه-پاکیستان ۷.جی یوکسک سویه‌لی استراتژیک امکداشلیق شوراسی ییغینجاغی اوچون اردوغانی پاکیستانا دعوت ائتدیگینی ایفاده ائد‌رک پاکیستان خالقینین جمهورباشقانی اردوغانی ایسلام آباددا آغیرلاماغی صبیرسیزلیکله گؤزله‌دیگینی ایفاده ائتدی.
ائلچی پاچاجی دا باشباخانلیق وظیفه‌سینه یئنیدن سئچیله‌ن شریفی قوتلایاراق ایکی اؤلکه آراسینداکی قارداشلیق باغلارینین گوجلندیریلمه‌سینین اؤنمینی وورغولادی.
