افغانیستاندا مین پاتلادی، ۹ اوشاق حیاتینی ایتیردی
پاتلامانین، اوشاقلارین تاپدیقلاری مینله اویون اوینادیقلاری سیرادا گئرچکلشدیگی، حادثه نتیجهسینده ۵ی قیز ۹ اوشاغین حیاتینی ایتیردیگی بیلدیریلدی
2123232
افغانیستانین غزنی ویلایتینده مین پاتلاماسی نتیجهسینده ۹ اوشاق حیاتینی ایتیردی.
طالبان رهبرلیگینین خبر آژانسی باختره دانیشان غزنی مدنیت و اطلاعات مودورو ملا حمیدالله نثار، گیرو وولوسوالیسینین زدران کندینده سووئتلر بیرلیگینین افغانیستانی ایشغالی دؤنمیندن قالما پاتلامامیش بیر مینین دونن پاتلادیغینی ایفاده ائتدی.
پاتلامانین، اوشاقلارین تاپدیقلاری مینله اویون اوینادیقلاری سیرادا گئرچکلشدیگینی بیلدیرن نثار، حادثه نتیجهسینده ۵ی قیز ۹ اوشاغین حیاتینی ایتیردیگینی بیلدیردی.
۱۹۷۹-۱۹۸۹ ایللرینده افغانیستانی ایشغال ائدن سووئتلر بیرلیگی و او دؤنم دستکلدیگی افغانیستان حکومتی، عصیانچیلارلا موباریزه ائتمه سببی ایله کند بؤلگهلرینه مین یئرلشدیرمیشدی.
بو مینلر چوخ ساییدا اوشاغین حیاتینی ایتیرمهسینه و یا معلول اولماسینا سبب اولدو.