ایسرائیل قوه‌‌لریندن فیلیسطینلیلره باسقین و نظارته گؤتورمه
ایسرائیل عسگر‌لری اردن چایینین باتی ساحلینده‌کی نابلس، رام‌الله، الخلیل، بیت الحم و قلقیلیه شهرلرینه باسقین ائدیب‌لر
ایسرائیل قوه‌‌لری ایشغال آلتینداکی اردن چایینین باتی ساحلینده بعضی شهر و قصبه‌‌لره باسقین ائده‌رک چوخلو سایدا فیلیسطینلینی حبس ائدیب.
شاهد‌لردن آلینان معلوماتا گؤره، ایسرائیل عسگر‌لری اردن چایینین باتی ساحلینده‌کی نابلس، رام‌الله، الخلیل، بیت الحم و قلقیلیه شهرلرینه باسقین ائدیب‌لر.
ایسرائیل قوه‌‌لری نابلسون کهنه شهرینه باسقین زامانی ان آزی بیر فیلیسطینلینی نظارته گؤتوروب و نابلسون گونئیینده‌کی مادما قصبه‌‌سینده بیر چوخ ائوده آختاریش آپاریب.
ایسرائیل عسگر‌لری قلقیلیه شهری و اطراف قصبه‌‌لرده فلستینلیلرین ائولرینه باسقین ائده‌رک شهرین شرقینده‌کی عزون قصبه‌‌سینده و جنوبونداکی حبله قصبه‌‌سینده 2 فیلیسطینلینی نظارته گؤتوروب.
یئرلی منبع‌لردن آلینان معلوماتا گؤره، ایسرائیل اوردوسو رام‌الله و الخلیل شهرلرینده‌کی قصبه‌‌لره‌ده باسقین ائده‌رک چوخلو سایدا فیلیسطینلینی حبس ائدیب.
