حوثی لر بؤیوک بریتانیا و ایسراییله مخصوص گمیلره هوجوم ائتدی
ایرانین دستکلدیگی حوثی لر بؤیوک بریتانیا و ایسراییله مخصوص 3 گمینین قیرمیزی دنیز، عمان دنیزی و هیند اقیانوسوندا وورولدوغونو آچیقلاییب.
ایرانین دستکلدیگی حوثی لر بؤیوک بریتانیا و ایسراییله مخصوص 3 گمینین قیرمیزی دنیز، عمان دنیزی و هیند اقیانوسوندا وورولدوغونو آچیقلاییب.
حوثی لرین حربی سؤزچوسو یحیی سری المسیره کانالینا وئردیگی موصاحیبهده بؤیوک بریتانیایا عاید بیر گمینین قیرمیزی دنیزده راکتلرله هدف آلیندیغینی سؤیلهدی.
ایشغال آلتینداکی فیلیسطین لیمانلارینا گئدن 2 ایسراییل گمیسینین ده وورولدوغونو قئید ائدن سری، ایلک گمینین (MSC GRACEF) هیند اقیانوسوندا، دیگرینین (MSC GINA) عمان دنیزینده بالیستیک راکتلرله هدف آلیندیغینی قئید ائدیب.
یحیی سری غزه هوجوملاری دایانانا قدر ایسراییل گمیلرینین قیرمیزی دنیز، عمان دنیزی و هیند اقیانوسوندان کئچمهسینه مانع اولاجاقلارینی بیر داها وورغولاییب.
ایرانین دستکلدیگی حوثی لر ایسراییلین غزه هوجوملارینا رئاکسیا اولاراق 31 اوکتبر 2023-جو ایل تاریخیندن اعتباراً ایسراییل شیرکتلرینه مخصوص تیجارت گمیلرینی اله کئچیریر و بعضی اراضیلرینه ده راکتلرله هوجوم ائدیر.
حوثی لرین هوجوملاریندان سونرا بیر چوخ گمیچیلیک شیرکتی قیرمیزی دنیزدهکی فعالیتلرینی دایاندیرماق قرارینا گلیب.