شیخ طحنون بن محمد آل نهیان حیاتینی ایتیردی
شیخ طحنون بن محمدین اؤلومو سونراسیندا اؤلکهده بایراقلارین یارییا ائندیریلدیگی و ۷ گون یاس اعلان ائدیلدیگی بیلدیریلدی
2134299
بیرلشمیش عرب امرلیکلرینین قوروجولاریندان شیخ طحنون بن محمد آل نهیان حیاتینی ایتیردی، اؤلکهده ۷ گون یاس اعلان ائدیلدی.
بیرلشمیش عرب امرلیکلری خبر آژانسی وام-دان وئریلهن آچیقلامادا، بیرلشمیش عرب امرلیکلری دؤولت باشقانی شیخ خلیفه بن زاید آل نهیانین، عمیسی و دوبی امرلیگینین العین والیسی شیخ طحنون بن محمدین اؤلوموندن اؤترو "کدر ایچریسینده اولدوغو" ایفاده ائدیلدی.
شیخ طحنون بن محمدین اؤلومو سونراسیندا اؤلکهده بایراقلارین یارییا ائندیریلدیگی و ۷ گون یاس اعلان ائدیلدیگی بیلدیریلدی.
آچیقلامادا، بیرلشمیش عرب امرلیکلرینین ۱۹۷۱.جی ایلده قورولما مدتینده شیخ طحنون بن محمدین، قوروجو آل نهیان ایله بیرلیکده چالیشدیغی، اکینچیلیک باخانلیغی و اؤلکهنین نفت و طبیعی گاز شیرکتی ادنوکون مودورلوگونو یئریتدیگی بیلدیریلدی.