ایراندان آمریکا و اینگیلتره‌یه تحریم
تحریم لیستینه آلینان شخص و قورولوشلارین "ایسرائیلین غزه یولاغیندا‌کی ترور ائیلملرینه دستک وئره‌رک آغیر اینسان حاقلاری پوزونتولارینا قاریشدیغی" ایفاده ائدیلدی
ایران، آرالاریندا آمریکا بیرلشمیش دؤولتلری ایله اینگیلتره‌دن اوست سویه مقاملارین دا اولدوغو ۱۵ شخص و ۱۰ قورولوشا تحریم قراری آلدی.
ایران خاریجی ایشلر باخانلیغی طرفیندن وئریله‌ن ایکی آیری یازیلی آچیقلامادا، تحریم لیستینه آلینان شخص و قورولوشلارین "ایسرائیلین غزه یولاغیندا‌کی ترور ائیلملرینه دستک وئره‌رک آغیر اینسان حاقلاری پوزونتولارینا قاریشدیغی" ایفاده ائدیلدی.
بو دوغرولتودا آرالاریندا اینگیلتره ساوونما باخانی گرانت شاپین دا اولدوغو ۸ اوست سویه اینگیلیس مقام ایله اینگیلتره هاوا گوجلرینین گونئی قیبریس روم رهبرلیگینده اولان آکروتیری هاوا مرکزی، اینگیلیس دونانماسینا عاید اچ‌ام‌اس دایموند ساواش گمیسی، البیت سیستمز، رافائل ایر‌لی ساوونما سیستملری ایله مگیت ساوونما شیرکتلرینه تحریم قراری آلیندی.
ایسرائیله سلاح دستگی وئردیگی سببی ایله لاکهید مارتین و دوغو آغ‌دنیز‌ده طبیعی گاز چیخاریلماسی مؤوضوعوندا ایسرائیل ایله امکداشلیق ائتدیگی اوچون آمریکا انرژی شیرکتی شورون باشدا اولماق اۆزره ۵ آمریکالی شیرکته ده تحریم گتیریلدی.
آمریکا اوردوسو اؤزل حرکات باشچیسی بریان فنتون، آمریکانین اؤنجه‌کی اورتا دوغو اؤزل نماینده‌لریندن جیسون گرینبلات، دموکراسیلری ساوونما وقفی باشقانی کلیفورد می، اؤنجه‌کی آمریکا ساوونما باخانلیغی (پنتاگون) مقاملاریندان مایکل رابین داخیل توپلام ۷ آمریکالی دا "غزه یولاغیندا ایسرائیلین ترور ائیلملرینی دستکله‌دیکلری" سببی ایله تحریم لیستینه آلیندی.
آچیقلامادا، "تحریملرین تطبیق اولونماسی اوچون ایرانداکی ایلگیلی بوتون مقاملار طرفیندن لازیم اولان آددیملار آتیلاجاق" ایفاده‌لرینه یئر وئریلدی.
