غزه-ده اؤلن فیلیسطینلیلرین سایی 34 مین 662 نفره چاتیب
ایسراییلین غزه زولاغینا هوجوملاری نتیجهسینده هلاک اولان فیلیسطینلیلرین سایی 34 مین 662 نفره چاتیب.
ایسراییلین غزه زولاغینا هوجوملاری نتیجهسینده اؤلن فیلیسطینلیلرین سایی 34 مین 662 نفره چاتیب.
ایسراییل اوردوسونون 2023-جو ایل اوکتبرین 7-دن اعتباراً غزه زولاغینا تشکیل ائتدیگی هوجوملار نتیجهسینده اؤلنلرین سایی 34 مین 662 نفره یوکسلیب.
غزه-دهکی فیلیسطین ساغلیق ناظیرلیگیندن وئریلن آچیقلامادا ایسراییلین اوکتبرین 7-دن غزه زولاغینا فاصیلهسیز هوجوملار تشکیل ائتدیگی بیلدیریلیب.
آچیقلامادا ایسراییل اوردوسونون غزه زولاغیندا گون عرضینده تؤرتدیگی هوجوملاردا داها 26 فیلیسطینلینین حیاتینی ایتیردیگی، 51 فیلیسطینلینین ایسه یارالاندیغی بیلدیریلیب.
ایسراییلین اوکتبرین 7-دن اعتباراً غزه زولاغینا تشکیل ائتدیگی هوجوملاردا اؤلنلرین سایینین 34 مین 662 نفره یارالیلارین سایینین ایسه 77 مین 867-یه یوکسلدیگی قئید ائدیلیب.
آچیقلامادا داغینتیلار آلتیندا و یول کناریندا هله ده اؤلولرین اولدوغو، لاکین ایسراییل عسگرلرینین مانعهسی سببیندن طبی قروپلارین و سیویل ساوونما ایشچیلرینین جسدلرین اولدوغو بؤلگهیه داخیل اولا بیلمهدیگی وورغولانیب.
بیرلشمیش میللتلر تشکیلاتینین فیلیسطینلی قاچقینلارا یاردیم و ایشلر اوزره آژانسینین (UNRWA) یایدیغی بیاناتدا ایسه بو ایفادهلره یئر وئریلیب: "غزه-ده 10 میندن چوخ قادین اؤلدورولوب، 19 میندن چوخ قادین ایسه یارالانیب. هر گون 37 اوشاق آنالارینی ایتیریر. وضعیت دهشتلیدیر. 155 میندن چوخ هامیله قادینین سو و تمیزلیک ماتئریاللارینا چیخیشی جدی شکیلده محدودلاشدیریلیب".