تورکیهنین قورورو اوچ قادین بولوشچو
تورک پاتنت انستیتوسو، ۱٦-۱۹ می ۲۰۱٤ تاریخلری آراسیندا ائدیلهجک کره اولوسلارآراسی قادین بولوشچولار سرگیسینه اوچ باشاریلی قادین مخترع ایله قاتیلاجاق.
آینور عشقی، اؤلن کپنکلرین توخوسونون تکستیل سئکتوروندا ایستیفاده ائدیلمهسی بولوشو ایله یاریشاجاق. طبیعی یوللارلا اؤلن کپنکلرین قانادلاری، توخولاری و دریلرینی آییراراق؛ پارچا، دری و آیاققابی الده ائدیلهبیلیر.
اسرا اؤزکان ایسه، دنیزلر اوچون اوزن یئل توربین بولوشو ایله یاریشمایا قاتیلیر. اؤزکانین پروژهسیله توربینلر، دنیزلر اوزریندکی هاوا آخیملارینی، اؤز پلاتفورمو اوزرینده دیک محوری ایله هر آچیدان گلن کولهیی آلاراق پتانسیل انرژییه چئویرهجک. بولوش، ایستیفادچینین دیلهدیگی یئره گمیسیله چئکهرک آپارابیلهجگی "موبایل بیر انرژی قایناغی حالینا چئوریلهبیلر" دوشونجسیله گلیشدیریلدی.
اوچونجو بولوشچوموز شادیه تمل ده، ایگنه باتماسیندان قایناقلانان یولوخوجو خستهلیکلرین قارشیسینین آلینماسی اوچون گلیشدیردیگی گوونلی اینتراکئت (دامار یولو آچماق اوچون ایستیفاده اولونان طبی بیر آلت) بولوشویلا اولوسلارآراسی آرئنادا اؤدول آلماق اوچون یاریشاجاق.