آتوم‌لار الکترون‌لاری ایله بیرلیکده ایشیق سرعتینه یاخین‌لاشدی
سوئیس‌دکی آوروپا نوکلئر آراشدیرما مرکزی (سرن) دکی علم اینسان‌لاری ایلک دفعه آتومو اوربیتین‌دکی الکترونلا بیرلیکده ایشیق سرعتینه یاخین حرکت ائتدیرمگی باجاردی
آتوم‌لار الکترون‌لاری ایله بیرلیکده ایشیق سرعتینه یاخین‌لاشدی
سوئیس‌دکی آوروپا نوکلئر آراشدیرما مرکزی (سرن) دکی علم اینسان‌لاری ایلک دفعه آتومو اوربیتین‌دکی الکترونلا بیرلیکده ایشیق سرعتینه یاخین حرکت ائتدیرمگی باجاردی.
سرن دن ائدیلن یازی‌لی آچیقلامادا، 25 ژوئیه ده کئچیریلن تجروبه‌ده بؤیوک هادرون چارپیشدیریجی‌نین آشاغی انرژی‌لی شعاعلا بیر قروپ آتومو نوکلئر‌سی‌نین اطرافین‌داکی تک الکترونلا بیرلیکده تخمینن بیر ساعت بویونجا حرکت ائتدیردیگی، سونرا عینی ایشی‌نین تام گوجله یوکله‌یه‌رک، 2 دقیقه عرضینده الکترون‌لار نوکلئر‌دن قوپوب آیریلما‌دان داوام ائتدیرمگی باجاردیغی بیلدیریلدی.
علم اینسان‌لاری آردین‌دان داها آز سایدا آتوملا عینی تجروبه تام گوجله 2 ساعاتا قدر داوام ائتدیرمگی باجاردی.
تجروبه زامانی آتوم و الکترون‌لارین بؤیوک هادرون چارپیشدیریجی ایچینده ایشیق سرعتینه یاخین بیر سرعتده دؤندوگو قئید ائدیلیب.
آتوم "پارچالاییجی" اولا‌راق دا آدلان‌دیریلان بؤیوک هادرون چارپیشدیریجی، اصلینده داها اؤنجه ده آتوم‌لاری بو سرعت‌لرده چئویرمگی باجارمیشدی.
آنجاق داها اوّل آپاریلان تجروبه‌لرده آتوم یوکسک سرعت‌لره چاتاندا اطرافین‌داکی الکترون‌لار داغیلا‌راق نوکلئر‌دن آیریلیردی.
