ان بؤیوک کوتلهلی نوترون اولدوزو
دونیانین ۳۳۳ مین قات بؤیوکلویونده کوتلهیه صاحب نوترون اولدوزونون، بیر اوجوندان دیگر اوجونا اولان مسافهنین تخمیناً ۲۴ کیلومتر اولدوغو بیلدیریلدی
گؤی بیلیمچیلر، بو گونه قدرکی ان بؤیوک اؤلچولو نوترون اولدوزونو کشف ائتدی.
سیانان اینترنشنیلین خبرینه گؤره، آمریکالی آسترونوملار، باتی ویرجینیادا یئرلشهن گرین بانک تلسکویو ایله ائتدیکلری گؤزلملر سیراسیندا ژ۰۷۴۰ ۶۶۲۰ آدی وئریلهن ان بؤیوک اؤلچولو نوترون اولدوزونو کشف ائتدی.
دونیانین ۳۳۳ مین، گونشین ده ۲،۱۷ قات بؤیوکلویونده کوتلهیه صاحب نوترون اولدوزونون، یئر کورهیه ۴ مین ۶۰۰ ایشیق ایلی مسافهده اولدوغو، بیر اوجوندان دیگر اوجونا اولان مسافهنین ایسه تخمیناً ۲۴ کیلومتر اولدوغو بیلدیریلدی.
شعاعلاری اعتباریله کایناتین ان کیچیکلری اولاراق دگرلندیریلهن نوترون اولدوزلاری، سوپرنووا اولاراق پارتلایاندان سونرا قالان قیسمین اؤز ایچینه چؤکمهسیله یارانیر.
میلیثانیه ایله ثانیه آراسیندا دییشن چوخ منتظم آرالیقلارلا ایشیما(اشعه یایما) آتیملاری گؤزلنن نوترون اولدوزلاری، "پولسارلار" اولاراق آدلانیر.
کشفین آیرینتیلاری "نیچر آسترونومی" درگیسینده یاییملاندی.