اوزای آراجی، گؤیداشینین یولونو دییشدیرمک اوچون آتیلاجاق
ناسا، ۲۴ نوامبردا، گؤیداشی ایله چارپیشماق اوچون حاضیرلانمیش ایلک اوزای آراجینی آتاجاغینی و اولاسی بیر چارپیشمانی اؤنلهیهجک تکنولوژینی تست ائدجگینی آچیقلادی
آمریکا اولوسال هاواچیلیق و اوزای دایرهسی (ناسا)، دونیانی آسترویدلردن قوروماق مقصدیله ایلک دفعه بیر اوزای آراجینی دونیا اوربیتینه یاخین بیر آسترویدله توققوشماسی اوچون آتاجاق.
بو هفته بیر گؤیداشینین فرقینه واریلمادان دونیانین بانیدان گئچمهسینین آردیندان ناسا ۲۴ نوامبردا، گؤیداشی ایله چارپیشماق اوچون حاضیرلانمیش ایلک اوزای آراجینی آتاجاغینی و اولاسی بیر چارپیشمانی اؤنلهیهجک تکنولوژینی تست ائدجگینی آچیقلادی.
اوزای آراجی "دارت"ین یؤنو، ایکی آستروید سیستمی دیدیموسون داها کیچیک داشینا چارپماق و یؤرونگهسینی دییشدیرمک اوچون تنظیم ائدیلدی.
دیمپورفوس اولاراق بیلینهن کیچیک آسترویدین قطرو تخمیناً ۱۶۰ متر، داها بؤیوک اولانی ایسه تخمیناً ۷۸۰ متر.
دیمورفوسدان یوزلرجه قات کیچیک دارت، گؤیداشینا ساعاتدا ۲۴ مین کیلومتر سرعتله ووراجاق.
بونونلا بیرلیکده، چارپیشما آسترویدی تامامیله یوخ ائتمک اوچون دئییل، اوربیتینی بیر درجه ایچینده یونگولجه دییشدیرمهیی آماجلاییر.
دارت، آمریکا بیرلشمیش دؤولتلرینین کالیفورنیا ایالتیندهکی واندنبرگ هاوا قوهلری مرکزیندن بیر اسپیساکس فالکون ۹ راکتی ایله آتیلاجاق.