جیب تلفونو و وای فای، آلزایمر خستهلیگینی باشلادابیلر
آراشدیرماچیلار، هر گون بیر نئچه ساعات بویونجا داواملی اولاراق جیب تلفونو و وای فای رادیاسیونونا معروض قالان گنجلرین "دیجیتال بوناما" پروبلئمی ایله قارشی قارشییا قالابیلهجگی اویاریسینی ائدیر
جیب تلفونو و کابلسیز باغلانتی وای فای تکنولوژیسیندن قایناقلانان رادیاسیونون، آلزایمر خستهلیگینده آرتیشلارا سبب اولابیلهجگی بیلدیریلدی.
آمریکا بیرلشمیش دؤولتلرینده، واشینگتن ایالت اونیورسیتهسی پروفسورو مارتین ل. پال، "کورنت آلزایمر ریسرچ" درگیسینده یازدیغی مقالهده، جیب تلفونو و بنزری کابلسیز تکنولوژی محصوللارییلا آلزایمر باشلانغیجی آراسیندا یئنی بیر باغلانتی تاپدیغینی آچیقلادی.
پال، رادیاسیونا معروض قالمانین بئییندهکی حجره ایچی کلسیوم سویهلرینده آرتیشا یول آچاراق آلزایمری باشلادابیلهجگینی، "اولدوقجا ارکن یاشدا میدانا گلهجک آلزایمر خستهلیگی کیمی بیر کابوسا ندن اولابیلهجگینی" سؤیلهدی.
آراشدیرماچیلار، هر گون بیر نئچه ساعات بویونجا داواملی اولاراق جیب تلفونو و وای فای رادیاسیونونا معروض قالان گنجلرین "دیجیتال بوناما/دمانس" پروبلئمی ایله قارشی قارشییا قالابیلهجگی اویاریسینی ائدیر.
ایستودیفایندس آدلی آراشدیرما قورولوشو دا، رادیاسیونونا معروض قالان چالیشانلارین داها چوخ آلزایمره توتولدوغو بیلگیسینی پایلاشدی.