دونیانین ایچ چکیردگینین فیرلانما سرعتی هر ایل آرتیر
ایچ چکیردگین فیرلانما سرعتینین آرتماسی ایله دونیانین هر آلتی ایلده بیر، بیر نئچه کیلومتر ایر‌لی-گئری حرکت ائتدیگی اورتایا قویولدو
دونیانین مرکزین‌ده یئرلشه‌ن ایچ چَکیردگین فیرلانما سرعتینین هر ایل آرتدیغی آچیقلاندی.
آمریکالی بیلیم‌آداملارینین ائتدیگی آراشدیرمانین نتیجه‌لرینده، ایچ چکیردگین فیرلانما سرعتینین آرتماسی ایله دونیانین هر آلتی ایلده بیر، بیر نئچه کیلومتر ایر‌لی-گئری حرکت ائتدیگی اورتایا قویولدو.
یئرین ایچ چکبردگینین حرکتینی آراشدیران بیلیم اینسانلاری، حرکتین بیلگی‌سایار مودلینی یاراتماق اوچون ۱۹۶۹دان ۱۹۷۴ ایلینه قدر اولان سیسمیک بیلگیلردن ایستیفاده ائتدیلر.
اولوشدورولان سیمولاسیونلار، بیلیم اینسانلارین ۲۰ ایلدیر ادعا ائتدیی کیمی، یئرین ایچ چکیردگینین حرکت سونراسیندا سطح سوروشمه‌لری باش وئردیگینی دوغرولادی.
بیلیم اینسانلاری سون بیر نئچه ایلده اصرارلا دۆنیانین سالینیم (نوسان) ائتدیگینی بیلدیررکن، معین ائدیلن دؤنگو سونراسیندا گونلرین اوزونلوغونداکی دییشیکلیکلرین ده آچیقلانابیله‌جگینی وورغولادی.
آراشدیرما حاقیندا دانیشان پروفسور جان ویداله:
"سون گؤزلملریمیز، ایچ چکیردگین ۱۹۶۹دان ۷۱.جی ایله قدر بیر آز داها یاواش فیرلاندیغینی و سونرا ۱۹۷۱د‌ن ۷۴.جو ایله قدر ایسه دیگر ایستیقامته حرکت ائتدیگینی گؤستریر" دئدی.
