ماسکین بئیین چیپی پروژهسی اینسان سیناقلاری اوچون اونای آلدی
نیورالینک شیرکتی، بئینه یئرلشدیریلهجک میکروچیپلر سایهسینده فلج و کورلوق کیمی نورولوژیک راحاتسیزلیقلاری معالیجه ائتمهیی و معلوللارین حیات کیفیتینی آرتیرماغی هدفلهییر
آمریکالی ایش اینسانی ایلان ماسکین صاحبی اولدوغو نیورالینک شیرکتی، بئیین چیپی پروژهسینین اینسانلار اوزرینده سینانماسینا باشلانماسی اوچون آمریکا بیرلشمیش دؤولتلری غذا و درمان ایدارهسیندن اونای آلدیغینی آچیقلادی.
بیبیسینین خبرینه گؤره، نورالینکین سوسیال مئدیا حسابی اوزریندن وئریلهن آچیقلامادا، بئیین چیپی پروژهسینین غذا و درمان ایدارهسی طرفیندن اونایینین "بیر گون بیر چوخ اینسانا کؤمک ائتمهسینی تامین ائدجک اؤنملی بیر آددیم" اولاراق تانیملادی.
آچیقلامادا، نیورالینک تیمینین غذا و درمان ایدارهسی ایله یاخین امکداشلیق سایهسینده اونای آلیندیغی، سیناق مرحلهسی مراجعتلری اوچون لازیم اولان بیلگیلندیرمهلرین ائدیلهجگی ایفاده ائدیلدی.
نیورالینک شیرکتی، سؤزو گئدن پروژه ایله، بئینه یئرلشدیریلهجک میکروچیپلر سایهسینده فلج و کورلوق کیمی نورولوژیک راحاتسیزلیقلاری معالیجه ائتمهیی و معلوللارین حیات کیفیتینی آرتیرماغی هدفلهییر.
داها اؤنجه میمونلار اوزرینده تست ائدیلهن چیپلرین، بئییندهکی سیگناللاری باشارییلا یوروملایاراق جیهازلارا کؤچوردوگو قید ائدیلدی.