تورک ایهالاری آمریکا مطبوعاتیندا

تورک ساوونما صنایعنینین اوز آغی اولان ایها (اینسانسیز هاوا آراجی) و سیهالار (سلاحلی ایها) بیر دفعه داها آمریکا بیرلشمیش دؤولتلری مطبوعاتینین گوند‌مین‌ده...
آمریکا بیزنس اینسایدر درگیسی، کؤرفز اؤلکه‌لرینین تورک اینسانسیز هاوا آراجیلارینا آرتان ماراغینی اینجه‌له‌دی، بایراقدار ت‌ب۲نین یوکسلیشی ایله باغلی دقت چکه‌ن بیر آنالیز یاییملادی.
آنالیز خبرده، سعودی عربیستان ایله بیرلشمیش عرب امرلیکلرینین تورک یاپیمی ایها و سیهالارلا ماراقلاندیغینا ایشاره ائدیلدی.
تورکیه‌نین اورتا دوغودا‌کی قونشولاری ایله ساوونما صنایعی تیجارتینی آرتیردیغینا دقت چکیلدی.
جمهورباشقانی رجب طیب اردوغانین جولای‌دا ائتدیگی سعودی عربیستانین باشکندی ریاضا سفری چرچیوه‌سین‌ده رکورد بیر آنلاشمایا ایمضا آتیلدیغی خاطیرلادیلدی.
خبرده، کؤرفز اؤلکه‌لرینین داها اؤنجه چین یاپیمی اینسانسیز هاوا آراجلاریندان ایستیفاده ائتدیگی معلوماتی پایلاشیلدی.
آنجاق بایراقدار ت‌ب۲نین سرعت‌لی یوکسلیشینین، چین اینسانسیز هاوا آراجلارینی گئریده بوراخدیغی ایفاده ائدیلدی.
کؤرفز اؤلکه‌لرینین یالنیز بیر نئچه ایل ایچین‌ده سرعتله تورک اینسانسیز هاوا آراجلارینین ان بؤیوک موشتریلری حالینا گلدیگی وورغولاندی.