قوشا بنزه‌یه‌ن کیچیک بیر دایناسورا عاید قالیق تاپیلدی
دایناسورون، بیر چوخ دایناسوردا گؤروله‌نین ترسینه، اویلوقلارینین ایکی قاتی اوزونلوقدا آلت آیاقلاری اولدوغو وورغولاندی
چینین فوجیان ایالتینده اوزون آیاقلی و قوشا بنزه‌یه‌ن کیچیک بیر دایناسورا عاید قالیق تاپیلدی.
سی‌ان‌ان‌ین خبرینه گؤره، "غریبه فوجیان‌لی اووچو" معناسینی وئره‌ن "فوژیانوناتور پرودیگیوسوس" آدی وئریله‌ن دایناسورون، گئچ ژورا دؤنمینده (۱۴۸-۱۵۰ میلیون ایل اؤنجه‌سینده) ایندیکی چینین فوجیان ایالتینده یاشادیغی ایفاده ائدیلدی.
سؤزو گئدن دایناسورون، بیر چوخ دایناسوردا گؤروله‌نین ترسینه، اویلوقلارینین ایکی قاتی اوزونلوقدا آلت آیاقلاری اولدوغو وورغولاندی.
نیچیر درگیسینده یاییملانان آراشدیرمانین باش یازاری، پکن‌ده‌کی اونورغالی پالئونتولوژی و پالئوآنتروپولوژی انستیتوسوندان پروفسور دکتر مین وانگ، سولون اؤلچولرین‌ده، تخمیناً ۶۴۰ گرام گلن دایناسورون کشفینین اؤنملی اولدوغونو، کشفین فسیل قیدلرینده قوشلارین منشاینه دایر بوشلوغو دولدوردوغونو آچیقلادی.
آراشدیرمادا، بو گونون حیوانلاریندا اوزون بیر آلت آیاغین سرعتلی قاچابیله‌ن نؤوعلرده گؤرولمه‌سی، فوژیانوناتورون یوکسک سرعتلره چیخابیله‌ن بیر قاچان اولابیله‌جگینی دوشوندوردوگو قید ائدیلدی.
اؤته یاندان، ایندیکی زاماندا اوزون آیاقلارین، لئیلک و دورنا کیمی سو ساحلینده یاشایان قوشلاردا دا گؤرولدوگو، فوژیانوناتورون باتاقلیق و یا سو اورتامیندا دا یاشامیش اولابیله‌جگینه ایشاره ائدیلدی.
فسیلین، توسباغالار و ایشیقلی اوزگجلی بالیقلار دا داخیل اولماق اوزره دیگر سودا یاشایان و آمفیبیک حیوانلارین قالیقلارییلا بیرلیک‌ده تاپیلدیغی، بونون دا دایناسورون باتاقلیقلاردا زامان گئچیردیگینی گؤستردیگی ایفاده ائدیلدی.
آراشدیرمادا، بیلینه‌ن دیگر ائرکه‌ن دؤنم قوش بنزری دایناسورلارین آغاجلاردا یاشادیغی و طبیعتلری گره‌گی اوچابیلدیکلری وورغولاندی.
قوشلارین، ژورا دؤنمینده ایکی آیاقلی "تئروپود دایناسورلاردان" (تیرانوسوروس رکسین (تی-رکس) عاید اولدوغو قروپ) تؤرده‌یگی دوشونولور، آنجاق ائرکه‌ن ائوریمسل دؤنمه عاید قالیقلارین نیسبی اولاراق آز اولماسی سببی ایله بو مؤوضوعدا چوخ بیلگی یوخ.
