تورکیه‌دن ۱۹ بیلیم‌یوردو، آوروپانین ان یاخشیلاری آراسیندا
کواکوارلی سیموندون بو ایل باشلاتدیغی و آوروپاداکی ان یاخشی بیلیم‌یوردولاری سیرالادیغی "دونیا اونیوئرسیته سیرالاماسی: آوروپا ۲۰۲۴" لیستی یاییملاندی
تورکیه‌دن ۱۹ بیلیم‌یوردو "آوروپانین ان یاخشیلاری" آراسینا گیردی.
اینگیلتره مرکزلی یوکسک تحصیل درجه‌له‌ندیرمه قورولوشو کواکوارلی سیموندون بو ایل باشلاتدیغی و آوروپاداکی ان یاخشی بیلیم‌یوردولاری سیرالادیغی "دونیا اونیوئرسیته سیرالاماسی: آوروپا ۲۰۲۴" لیستی یاییملاندی.
بو چرچیوه‌ده کواکوارلی سیموند، آوروپا شوراسینا عضو ۴۲ اؤلکه‌ده‌کی ۶۸۸ بیلیم‌یوردونو دگرلندیردی.
لیسته گؤره، "آوروپا" سیرالاماسیندا تورکیه‌دن اورتا دوغو تکنیک اونیوئرسیته‌سی (اودتو) ۱۲۴.جو، ایستانبول تکنیک اونیوئرسیته‌سی ۱۳۸.جی، قوچ اونیوئرسیته‌سی ۱۷۴.جو، بیلکنت اونیوئرسیته‌سی ۱۷۸.جی، بوغازایچی اونیوئرسیته‌سی ۱۹۹.جو سیرادا یئر آلدی.
ایلک ۵۰۰ بیلیم‌یوردو آراسیندا ایسه سابانجی اونیوئرسیته‌سی ۲۰۱.جی، حاجت‌تپه اونیوئرسیته‌سی ۲۲۴.جو، ایستانبول اونیوئرسیته‌سی ۲۲۸.جی، غازی اونیوئرسیته‌سی ۲۸۳.جو، آنکارا اونیوئرسیته‌سی ۲۸۹.جو، ییلدیز تکنیک اونیوئرسیته‌سی ۳۲۶.جی، ائگه بیلیم‌یوردوی ۳۸۱ین‌چی، ایستانبول اینکیشاف/گلیشیم اونیوئرسیته‌سی ۴۳۲.جی، عبدالله گول اونیوئرسیته‌سی و گالاتاسارای اونیوئرسیته‌سی ۴۴۵.جی، مارمارا اونیوئرسیته‌سی ۴۵۱.جی، چانکایا اونیوئرسیته‌سی ۴۵۵.جی، ایستانبول بیلگی اونیوئرسیته‌سی و دوققوز ائیلول اونیوئرسیته‌سی ۴۸۸.جی سیرادا لیسته گیردی.
