آمریکا، ستارلینکین حربی ورژنینی سینادی
"حاضردا اؤز اویدو ارتباط سیستمیمیز وار، آنجاق ستارشیلد احتیاج دویولماسی حالیندا یدک ارتباطا صاحب اولمامیز اوچون بیزه باشقا بیر آراج سونور"
آمریکا بیرلشمیش دؤولتلری اوردوسو، ایلان ماسکین "ستارلینک" اویدو سیستمینین عسگری ورژنینین سیناق تستلرینی باشاریلی شکیلده تاماملادیغینی بیلدیردی.
د دیفس پوستون خبرینه گؤره، آمریکا اوردوسو، گوونلی بیر شبکه میدانا گتیرمک مقصدیله آلچاق دونیا اوربیتیندهکی اویدولاردان ایستیفاده ائدن ستارلینکین "ستارشیلد" آدلی ورژنینی تست ائتدی.
آلبای براندون تیاگو، آنا مرکزده سیناقلار ائدیلدیگینی و بوتون سیستملرین مکمل شکیلده چالیشدیغینی بیلدیردی.
تیاگو، "حاضردا اؤز اویدو ارتباط سیستمیمیز وار، آنجاق ستارشیلد احتیاج دویولماسی حالیندا یدک ارتباطا صاحب اولمامیز اوچون بیزه باشقا بیر آراج سونور" دئدی.
سیستمدن، آنا ارتباط خطلرینین "دوشمنلر" طرفیندن پوزولماسی حالیندا یدک ارتباط شبکهسی اولاراق ایستیفاده ائدیلهجک.
آمریکا اوردوسو، ستارشیلدی گلن آی هاوائی ایالتینده داها ایرلی تستلرله سیناماغی پلانلاییر.