دونیانین ایلک صونعی ذکا گوونلیگی ذیروهسی
دونیانین ایلک بؤیوک صونعی ذکا گوونلیگی ذیروهسی، چرشنبه گونو بیرلشمیش کراللیقدا باشلادی
دونیانین ایلک صونعی ذکا گوونلیگی ذیروهسی اینگیلترهده تشکیل ائدیلیر.
دونیانین ایلک بؤیوک صونعی ذکا گوونلیگی ذیروهسی، چرشنبه گونو بیرلشمیش کراللیقدا باشلادی.
دونیانین دؤرد بیر طرفیندن چوخ ساییدا حکومت مسئوللاری، اؤنده گلن صونعی ذکا متخصصلری، آکادمیسینلر و مدنی قورولوش نمایندهلری، صونعی ذکانین ریسکلرینی دگرلهندیرمک و بیرگه اولوسلارآراسی حرکت یولویلا بو ریسکلرین آزالدیلماسینی اله آلماق اوزره، میلتون کینز شهرینده یئر آلان بلچلی پارکدا بیر آرایا گلیر.
یاپای ذکا ساحهسینده دونیاداکی ایلک ذیروه اولما اؤزللیگی داشییان فعالیتده، صونعی ذکا مدللری، صونعی ذکانین اقتصادی بؤیومهیه تأثیری، علمی ایرلیلهمهنی تشویق و صونعی ذکانین اجتماعی یارار اوچون ایستیفادهسی کیمی قونولار دا گوندمه گلهجک.
ذیروهنین آچیلیشینی ائدن اینگیلتره باشباخانی ریشی سوناک، گئچهن هفتهکی بیر دانیشماسیندا سون هدفین، صونعی ذکا سیستملرینین بازارا چیخارمادان اول گوونلی اولماسینی تامین ائتمک مقصدی ایله قلوبال بیر گوونلیک آنلاییشی منیمسهمک اولدوغونو سؤیلهمیشدی.
صونعی ذکانین پتانسیلی بیر چوخ ساحهده اومود وعد ائتسه ده اؤزللیکله طب ساحهسینده بؤیوک اؤلچوده یوخلامادان یوخسوندور.
کنفرانسدا گ۷ اؤلکهلریندن یالنیز ایتالیا، باشباخان جیورجیا ملونی طرفیندن تمثیل ائدیلیر. تسلا باش مودورو ایلان ماسک دا کنفرانسا قاتیلماسی گؤزلهنیلهن قوناقلار آراسیندادیر.
اینگیلیس حکومتیندن ذیروهیه قاتیلاجاق رسمی قوناق لیستینه باغلی هله آچیقلاما وئریلمهدی. بونا قارشی، آغ ائو، آمریکا باشقان کؤمکچیسی کامالا هریسین ذیروهیه قاتیلاجاغینی بیلدیردی. بیرلشمیش میللتلر سؤزچوسو استفان دوجاریک ده باش کاتیب آنتونیو گوترشین ذیروهیه قاتیلاجاغینی آچیقلادی.