اردوغان، تورکیهنین ایلک آسترونوتو ایله دانیشدی
"بو وظیفه هم بیلیمم میسیونو هم ده اوشاقلاریمیزا، گنجلریمیزه ایلهام قایناغی اولماسی یؤنو ایله چوخ چوخ دگرلیدیر"
جمهورباشقانی رجب طیب اردوغان، میللی اوزای پروگرامینین ایلک آیاغی اولان "ایلک اینسانلی اوزای وظیفهسی" چرچیوهسینده بو گئجه اولوسلارآراسی اوزای مرکزینه گؤندریلهجک ایلک تورک آسترونوت آلپاَر گزرآوجی ایله ویدئو کنفرانسلا گؤروشدو.
باخانلار قورولو ییغینجاغی سیراسیندا گئرچکلشن گؤروشمهده جمهورباشقانی اردوغانین، "اوزای وظیفهسی ایجرا ائدن ایلک وطنداشیمیز سن اولاجاقسان. میللتیمیزه حقیقتاً بؤیوک بیر غرور یاشاداجاقسان. حاضیرسان می؟" دئیه سوروشماسی اوزرینه گزرآوجی، آلینلارینین آغییلا بو وظیفهنی ایجرا ائدجک شکیلده حاضر اولدوقلارینی ایفاده ائتدی.
جمهورباشقانی اردوغان، بونلاری قید ائتدی:
"بو وظیفه هم بیلیمم میسیونو هم ده اوشاقلاریمیزا، گنجلریمیزه ایلهام قایناغی اولماسی یؤنو ایله چوخ چوخ دگرلیدیر. انشاالله بو یئنی بیر باشلانغیج اولاجاق. بو گؤرهوین داوامینی گتیرجهییک. هدفی هر زامان داها یوکسهیه داشییاجاغیق. سنه و اکیب یولداشلارینا مباشاریلارر دیلهییریک. ساغلیقلا بو وظیفهنی تاماملامانی آرزو ائدیرهم. ربیم یار و یاردیمچین اولسون. یولون آچیق اولسون"
گزرآوجی دا "گلهجک نسیللریمیزه، خیاللاریمیزی محدودلاشدیران بو پردهنی آچماغا وسیله اولدوغونوز اوچون، سیزلره مینتداریق. چوخ تشکر ائدریک" دئدی.