اوزون مدت ویدئو اویونو اوینایانلاردا ائشیتمه سورونو
آراشدیرماچیلار، ویدئو اویونلاری و ائشیتمه ایتکیسی آراسینداکی باغی اورتایا چیخاران بیر چالیشمایا ایمضا آتدی
اوزون مدت ویدئو اویونو اوینایان شخصلرین ائشیتمه ایتکیسی و قولاق زینگیلدهمهسی یاشاما ریسکی داها یوکسکدیر.
آمریکا بیرلشمیش دؤولتلری، سوئیس، چین و استرالیادان آراشدیرماچیلار، دونیادا تخمیناً ۵۴ مین یئتیشکین و اوشاغی ایله توپلام ۱۴ آراشدیرمانی اینجهلهدی.
آراشدیرماچیلار، الده ائتدیکلری نتیجهلر ایشیغیندا ویدئو اویونلاری و ائشیتمه ایتکیسی آراسینداکی باغی اورتایا چیخاران بیر چالیشمایا ایمضا آتدی.
آراشدیرماچیلاردان اودیولوگ و اپیدمیولوگ دکتر لورن دیلارد، وئردیگی آچیقلامادا، "آراشدیرما، اوزون مدت ویدئو اویونو اوینایانلارین، (اوینامایانلارلا مقایسهده) ائشیتمه ایتکیسی و قولاق زینگیلدهمهسی یاشاما ریسکینین داها یۆکسک اولدوغونو گؤستریر" دئدی.
یۆکسک سسه معروض قالمانین قولاقداکی دویو/ائشیدمه حجرهلرینی یوردوغونو، بونون دا ائشیتمهیه منفی اولاراق تأثیر ائتدیگینی ایفاده ائدن دیلارد، "بو وضعیت، گئچیجی ائشیتمه ایتکیسینه و یا قولاقلاردا زینگیلدهمهیه سبب اولابیلر. منتظم و یا اوزون سۆرهلی سس-کۆیه معروض قالماق دا زامانلا قالیجی ائشیتمه ایتکیسینه یول آچار" ایفادهلرینی ایشلتدی.
دیلارد، معروض قالینان سس میقدارینین مومکون اولان هر آندا گؤزلملنمهسی توصیهسی ائدرک، "ائشیتمه دویونوزداکی دییشیکلیکلره دقت یئتیردیگینیزدن آرخایین اولون. ائشیتمه ایتکیسینین تمل علامتلری آراسیندا قولاق زینگیلدهمهسی، تیز سسلری ائشیتمهده چتینلیک و دانیشمالاری تعقیب ائتمکده چتینلیک چکمه یئر آلیر" دگرلهندیرمهسینی وئردی.
آراشدیرمانین آیرینتیلاری، "بیامج پابلیک هلتی" آدلی درگیده یاییملاندی.