تۆرکیه‌نین اوزای یولچولوغو باشلادی
"تۆرکیه‌نین اینسانلی ایلک اوزای وظیفه‌سی اوچون ایلک تۆرکون اوزایا آددیم آتدیغی بو آندا اولو آتامیزین سؤزو ایله بو آنی باشلاتماق ایسته‌ییرم: تۆرکیه جمهوریتیمیزین قوروجوسو مصطفی کمال آتاتۆرکون داهیانه سؤزو؛ استقبال گؤیلرده‌دیر"
تۆرکیه‌نین ایلک آسترونوتو آلپ‌اَر گزرآوجینین دا ایچینده اولدوغو اسپیس ایکسه عاید اوزای آراجی، آمریکا بیرلشمیش دؤولتلرینین کندی اوزای مرکزیندن یئرلی ساعاتلا ۱۶.۴۹دا (تۆرکیه ساعاتی ایله ۰۰.۴۹) باشاری ایله آتیلدی.
فلوریدا ایالتینده اولان کندی اوزای مرکزینده‌کی آتما مرکزی ۳۹آ-دن گئرچکلشدیریلن آتما ایشی، آایکس-۳ وظیفه‌سینین عضوو اولان گزرآوجینین اوزای سفری ده باشلادی.
ایلک تۆرک آسترونوت گزرآوجینی دا داشییان آراجین، آمریکا یئرلی ساعاتییلا جمعه ائرته‌سی سحری ۰۵.۱۵ (تۆرکیه ساعاتی ایله ۱۳.۱۵) دولاییندا اولوسلارآراسی اوزای مرکزینه چاتماسی هدفله‌نیر. بونا گؤره اوزای یولچولارینین اوزای مرکزینه چاتمالاری اوچون تخمیناً ۳۶ ساعاتلیق بیر سفر مدتلری اولاجاق.
اسپیس‌ایکسین، اولوسلارآراسی اوزای مرکزینه دوغرو سفرینه باشلایان دراگون کپسولوندا اولان آایکس-۳ اکیبینین ایلک دویغو و دوشونجه‌لرینی ایکس حسابیندان جانلی اولاراق یایینلاندی.
گزرآوجینین اوزایداکی ایلک سؤزلری، "تۆرکیه‌نین اینسانلی ایلک اوزای وظیفه‌سی اوچون ایلک تۆرکون اوزایا آددیم آتدیغی بو آندا اولو آتامیزین سؤزو ایله بو آنی باشلاتماق ایسته‌ییرم: تۆرکیه جمهوریتیمیزین قوروجوسو مصطفی کمال آتاتۆرکون داهیانه سؤزو؛ استقبال گؤیلرده‌دیر" شکلینده اولدو.
گئرچکلشدیردیگی اوزای سفر ایله "ایلک تۆرک آسترونوت" عنوانینی دا آلان گزرآوجی، ۱۴ گون بویونجا اوزای مرکزینده ۱۳ فرقلی بیلیمسل تجروبه اوزرینده چالیشاجاق. گزرآوجی، میکرو یئر چکیمی، اوزای اورتامیندا اینسان ساغلیغی، دوز گؤلو بیتکیسینین اوزای اورتامیندا آراشدیریلماسی، برک/قاتی-آخیجی قاریشیملارین یئرچکیمسیز اورتامدا آراشدیریلماسی کیمی ساحه‌لرده علمی پروژه‌لر اوزرینده سیناقلار ائد‌جک.
بو آرادا فالکون ۹ راکتی، آایکس-۳ قروپونو داشییان دراگون کپسولونو تعیین اولونان یوکسکلیگه چیخاردیقدان سونرا یاشاریلی بیر شکیلده کپسولدان آیریلدی. داها سونرا ائنیشه گئچه‌ن فالکون ۹، کندی اوزای مرکزینین دوغوسوندا اولان کیپ کاناورال مرکزینه باشاریلی شکیلده ائندی.
فالکون ۹ون دراگون کپسولوندان آیریلماسینین آردیندان دؤوره‌یه گیره‌ن مرلین اوزای بوشلوغو موتورو، کپسولون مرکزه چاتماسیندا کپسولا گوج تامین ائد‌جک.
