اردوغان، آسترونوت آلپ‌اَر گزرآوجی ایله دانیشدی
گزرآوجی، میللی اوزای پروگرامینین ایلک آیاغی اولان "ایلک اینسانلی اوزای وظیفه‌سی" چرچیوه‌سینده، اولوسلارآراسی اوزای مرکزینده‌کی وظیفه‌سی بویونجا تۆرکیه ایله ان آز ۷ دفعه ارتباطا گئچه‌جک
جمهورباشقانی رجب طیب اردوغان، آسترونوت آلپ‌اَر گزرآوجییا، بوتون میللتین ایلهام قایناغی اولدوغونو سؤیله‌دی.
تۆرکیه، ایلک تۆرک آسترونوت آلپ‌اَر گزرآوجینین اوزای سفرینی هیجانلا ایزله‌ییر.
گزرآوجی، میللی اوزای پروگرامینین ایلک آیاغی اولان "ایلک اینسانلی اوزای وظیفه‌سی" چرچیوه‌سینده، اولوسلارآراسی اوزای مرکزینده‌کی وظیفه‌سی بویونجا تۆرکیه ایله ان آز ۷ دفعه ارتباطا گئچه‌جک.
بو چرچیوه‌ده ایلک عباغلانتی جمهورباشقانی رجب طیب اردوغان ایله ائدیلدی.
جمهورباشقانی اردوغانا خطاب اولاراق دانیشان گزرآوجی،
"پلانلی تقویم چرچیوه‌سینده تجروبه‌لریمیزه باشلادیم. بوراداکی وظیفه‌م بویونجا بوتون بو تجروبه‌لری تاماملاییب نتیجه‌لری یانیمدا اؤلکه‌میزه گتیرمک اوزره ثبت ائده‌جه‌یم. مرکز‌ده‌کی اورتاما چوخ سرعتلی شکیلده اویوم ساغلادیم. ایشلریمه پلانلاندیغی شکیلده داوام ائدیره‌م" دئدی.
اردوغان دا گزرآوجییا،
"میللی اوزای پروگرامیمیز چرچیوه‌سینده گئرچکلشدیردیگین بو حساس وظیفه ایله اوشاقلاریمیز و گنجلریمیز باشدا اولماق اوزره بوتون میللتیمیزه ایلهام قایناغی اولدون" دئیه جاواب وئردی.
تۆرکیه‌نین اینسانلی ایلک اوزای وظیفه‌سی حاقیندا جمهورباشقانی اردوغان،
"سنین سیاحتینله بیرلیکده اوزای ایشلرینده ده آرتیق یئنی بیر دؤنمین قاپیسینی آرالادیق" ایفاده‌لرینی ایشلتدی.
تۆرکیه‌نین اینسانلی ایلک اوزای وظیفه‌سینین، بیر بیلیم وظیفه‌سی اولماسی باخیمیندان چوخ دگر‌لی اولدوغونو وورغولایان اردوغان،
"بئله‌لیکله بیلیم ادبیاتینا اؤنملی قاتقیلار تامین ائد‌جک ایشلره تۆرک بیلیم اینسانلاری قاتقی وئرمیش اولاجاق. اورادا چوخ فرقلی ساحه‌لرده گئرچکلشدیره‌جگین تجروبه‌لرین باشارییلا تاماملانماسینی اومود ائدیره‌م" ایفاده‌لرینی ایشلتدی.
