موسیقی بئیین ساغلیغینی قورور
بیلیم اینسانلاری، موسیقی ایله اوغراشان و اوغراشمایان شخصلرین بئیینلرینین نئجه یاشلاندیغینی آراشدیردی
موسیقی ایله مشغول اولماق ایر‌لیله‌یه‌ن یاشلاردا بئیین ساغلیغینین قورونماسینا کؤمک ائدر.
"اینترنشنیل جرنیل آف جریاتریک سایکایتری" درگیسینده یاییملانان چالیشمایا گؤره، اینگیلتره‌ده اکستر بیلیم‌یوردوندان بیلیم اینسانلاری، موسیقی ایله اوغراشان و اوغراشمایان شخصلرین بئیینلرینین نئجه یاشلاندیغینی آراشدیردی.
آراشدیرمادا، موسیقی آلتی چالما، ماهنی اوخوما، نوت اوخوما، موسیقی دینله‌مه و موسیقی قابیلیتینین اینسان بئینی اوزرینده‌کی تأثیرلری ۴۰-۶۸ یاش آرالیغیندا ۱۱۰۰دن چوخ اینسان اوزرینده آراشدیریلدی.
آراشدیرماچیلار، حیاتلاریندا موسیقی ایله مشغول اولموش و بیلگیلرینی قارشیلاشدیردی.
نتیجه‌لر، پیانو یا دا اورگ چالان شخصلرین موسیقی ایله اوغراشمانین فایداسینی داها چوخ گؤردوگو آنجاق یالنیز موسیقی دینله‌مه‌نین بیلیشسل (Cognition) ساغلیغا عینی شکیلده تأثیر ائتمه‌دیگینی گؤستردی.
آراشدیرما، موسیقی ایله مشغول اولمانین یادداشی دینج توتاراق ایر‌لیله‌یه‌ن یاشلاردا بئیین ساغلیغینین قورونماسینا کؤمک ائتدیگینی، منتظم اولاراق نوت اوخویان اینسانلارین ساییسال یادداشلارینین داها یاخشی اولدوغونو اورتایا قویدو.
چالیشمانین باش یازاری پروفسور آنا کوربت، بی‌بی‌سی‌یه وئردیگی آچیقلامادا، اؤزللیکله آلت چالماغین بئیینده بؤیوک تأثیرلری اولدوغونو وورغولایاراق، "آراشدیرما، اینسانلارین دمانس ریسکینین آکتیو اولاراق نئجه آزالدیلابیله‌جگینی و موسیقینین ده بونون آزالدیلماسیندا رول اوینادیغینی گؤستریر" ایفاده‌سینی ایشلتدی.
اینگیلتره‌ده اولان "دمنشا یو.کی" آدلی قورولوش دا چالیشمانین نتیجه‌لرینین دمانس خسته‌لرینده مثبت تاثیرلرینین اولدوغونو و بو خسته‌لرین ارتباط یولو اولاراق موسیقیدن ایستیفاده ائتدیکلرینی ایفاده ائتدی.
