آمریکا آیا اوزای آراجی گؤندردی
فالکون ۹ راکتی ایله اوزایا گؤندریله‌ن اودیسئوسون، آیین گونئی قطبونا یاخین بیر بؤلگه‌سینه گۆونلی بیر شکیلده ائندیگی ایفاده ائدیلدی
آمریکا بیرلشمیش دؤولتلری، "اودیسئوس" اوزای آراجی ایله ۱۹۷۲دن بو یانا ایلک دفعه آیا ائنیش گئرچکلشدیردی.
آمریکا میللی هاواچیلیق و اوزای آژانسینین (ناسا) اینترنت سایتیندان گئرچکلشن جانلی وئریلیشده، اینتوئتیو مشینز شیرکتینین "آی‌ام-۱" وظیفه‌سی چرچیوه‌سینده اسپیس اکس یاپیمی فالکون ۹ راکتی ایله اوزایا گؤندریله‌ن اودیسئوسون، آیین گونئی قطبونا یاخین بیر بؤلگه‌سینه تورکیه ساعاتی ایله ۰۲.۲۳ده گۆونلی بیر شکیلده ائندیگی ایفاده ائدیلدی.
ناسانین سوسیال مئدیا حسابیندان ائدیله‌ن پایلاشیمدا دا "سیفاریشینیز آیا تسلیم ائدیلدی" ایفاده‌سی ایشله‌دیلرکن اوزای آراجینین آیا ائنیشی، اینتوئتیو مشینز شیرکتینین حسابیندان ایسه "اودیسئوسون یئنی بیر ائوی وار" ایفاده‌سی ایله بیلدیریلدی.
ناسا یؤنه‌تچیسی بیل نلسون، جانلی وئریلیشده، "بو گون، یاریم عصری آشان مدتدیر ایلک دفعه آمریکا، آیا قاییتدی. بو گون ناسانین تیجاری اورتاقلیقلارینین گوجونو و وعدینی گؤستره‌ن بیر گوندور" دئدی.
ائنیشدن ۱۵ دقیقه سونرا ضعیف ده اولسا سیگنال گؤندرمه‌یه باشلایان اودیسئوس، ۵۰ ایلده‌ن چوخ بیر مدت سونرا آیین سطحینه ائنن ایلک اؤزل شیرکت یاپیمی اوزای آراجی اولدو.
اودیسئوس، ائنیشی ایله ۱۹۷۲ده‌کی "آپولو ۱۷" وظیفه‌سیندن بو یانا آیین اۆزئیینه یومشاق ائنیش ائد‌ن آمریکایا عاید ایلک اؤزل اوزای آراجی اولاراق تاریخه گئچدی.
اودیسئوس، ۱۵ فوریه‌ده اسپیس اکس ایۆره‌تیمی فالکون ۹ راکتی ایله آمریکانین فلوریدا ایالتینده‌کی کندی اوزای مرکزیندن آتیلمیشدی.
۴،۳ متر یۆکسکلیگینده‌کی آلتی آیاقلی کربن فیبر و تیتانیوم ائنیش آراجی، ناسانین آرتئمیس وظیفه‌سی چرچیوه‌سینده ایستیفاده ائتمه‌گی پلانلادیغی ۶ فرقلی تست اوچون ده یۆک داشیییردی.
ناسا، بیر نئچه ایل ایچینده آیا اینسان گؤندرمه پلانلاری چرچیوه‌سینده آی نقلیاتینی تیجاریلشدیرمه چابالارینین بیر پارچاسی اولاراق، اودیسئوسو یاپماسی و اوچورتماسی اوچون اینتوئتیو مشینز شیرکتینه ۱۱۸ میلیون دلار اؤده‌میشدی.
