گزرآوجینین اوزای تستیندن ایلک سونوج آلیندی
میکرو آلگلارین، یئرچکیمسیز موحیطده زنگینلشدیریلمیش کربن دی اکسیدی اکسیژنه چئویردیگی اثبات ائدیلدی
تۆرکیهنین ایلک اوزای وظیفهسینده گئرچکلشدیریلن تجروبه ایله میکرو آلگلارین (سو یوسونلارینین)، یئرچکیمسیز موحیطده زنگینلشدیریلمیش کربن دی اکسیدی اکسیژنه چئویردیگی اثبات ائدیلدی.
تۆرکیهنین اینسانلی ایلک اوزای وظیفهسینده ائدیلهن ۱۳ تجروبهدن بیری، بوغازایچی اونیوئرسیتهسی چئوره بیلیملری انستیتوسو دکتر برات حازنهداراوغلونون لیدئرلیگینده حاضرلانان و میکرو آلگ نؤوعلرینین کربن دی اکسید توتما و اکسیژن اؤرهتیم قابیلیتلرینین تعیین اولونماسینی آماجلایان "اوزمان" تجروبهسی اولدو.
ایلک تورک آسترونوت آلپاَر گزرآوجینین اولوسلارآراسی اوزای مرکزیندهکی چالیشمالاری سیراسیندا گئرچکلشدیردیگی تجروبهیه عاید نومونهلر آراشدیریلدی.
بوغازایچی اونیوئرسیتهسینده باشلایان آراشدیرمالاردا، تجروبهنین ایلک سونوجلاریندا، آلگلارین یئرچکیمسیز اورتامدا، قاپالی مکانلاردا اولاندان ۳ ائله ۵ قات داها چوخ کربن دی اکسیدی اکسیژنه چئویرمه قابیلیتینه صاحب اولدوغو معین ائدیلدی.
بو بولقو، اوزایداکی قاپالی موحیطلرده حیات دستک سیستملرینین اینکیشاف ائتدیریلمهسی و اوزون سۆرهلی اوزای وظیفهلرینده آسترونوتلارین احتیاج دویدوغو اکسیژنین تامین ائدیلمهسی باخیمیندان اؤنم داشیییر.