اسپیس اکس، فالکون ۹ راکتینی اوزایا گؤندردی
۳ آسترونوت و ۱ کوسمونوتو داشییان فالکون ۹ راکتی، آمریکا بیرلشمیش دؤولتلرینین فلوریدا ایالتیندهکی کندی اوزای مرکزیندن آتیلدی
اوزای داشیماچیلیغی شیرکتی اسپیس اکس، کرئو-۸ وظیفهسی چرچیوهسینده ۶ آی وظیفه یئرینه یئتیرهجک ۳ آسترونوت و ۱ کوسمونوتو داشییان فالکون ۹ راکتینی، آمریکا بیرلشمیش دؤولتلرینین فلوریدا ایالتیندهکی کندی اوزای مرکزیندن آتدی.
(آمریکا اوزای و هاواچیلیق دایرهسی) ناسانین آچیقلاماسینا گؤره، اسپیساکسین فالکون ۹ راکتینین آتیشی، هاوا شرطلری سببی ایله بیر گون ائرتهلنمهسینین آردیندان بو گون ۳۹آ پیستیندن ائدیلدی.
روس کوسمونوت آلکساندر گربنکین و ناسا آسترونوتلاری مایکل بارت، متیو دامینیک ایله جانت اپسی آلتی آیلیق وظیفه اوچون اولوسلارآراسی اوزای مرکزینه آپاراجاق راکت تۆرکیه ساعاتی ایله ۰۶.۵۳ده "باشارییلا" آتیلدی.
کرئو-۸ وظیفهسینه باغلی آچیقلامالار وئرن ناسا یؤنهتیچیسی بیل نلسون، "باشاریلی آتتیش" سببی ایله اسپیساکسی تبریک ائدرک اوزایدا وظیفه یئرینه یئتیرهجک قروپون "اینسانلیغا فایدا وئرمک و اوزای آراشدیرمالارینین بو یئنی چاغینی دستکلهمک" مقصدی ایله اوزای مرکزینده۲۰۰دن چوخ تجروبه ائدجگینی ایفاده ائتدی.
قروپون، اوزای مرکزینده دۆشوک یئر چکیملی موحیطده، حجره زدهلنمهسینه باغلی اولاراق اورتایا چیخان و توخولارا و یا اورگانلارا منفی تأثیر ائدن دژنراتیو خستهلیکلری آراشدیرماق اوزره اینسان اورگانلارینین کوپیلرینی اۆرهتمک ده داخیل چوخ ساییدا آراشدیرما و تجروبه ائتمهسی پلانلانیر.