چاتالهؤیوکده ۸ مین ۶۰۰ ایللیک چؤرک تاپیلدی
دونیادا شهرلشمه‌نین اولدوغو ایلک یئرلردن چاتالهؤیوکده، اوستدن گیریله‌ن، بیر بیرلرینه بیتیشیک کرپیج ائولرین اولدوغو "مکان ۶۶" اولاراق آدلاندیریلان ساحه‌ده تندیر کشف ائدیلدی
قونیانین چومرا ائلچه‌سینده یئر آلان، نئولیتیک دؤونمده تخمیناً ۸ مین آنفرین بیر یئرده یاشادیغی چاتالهؤیوکدهکی قازینتیدا، ۸ مین ۶۰۰ ایللیک "چؤرک" تاپیلدی.
دونیادا شهرلشمه‌نین اولدوغو ایلک یئرلردن چاتالهؤیوکده، اوستدن گیریله‌ن، بیر بیرلرینه بیتیشیک کرپیج ائولرین اولدوغو "مکان ۶۶" اولاراق آدلاندیریلان ساحه‌ده تندیر کشف ائدیلدی.
بؤیوک اؤلچوده تخریب اولان تندیرین اطرافینده، بوغدا، آرپا، گؤی نخود توخوملارییلا یئمک اولابیله‌جگی دگرلندیریله‌ن اوووج ایچی بؤیوکلوگونده بیر کشفه راست گلیندی.
نجم‌الدین ارباکان اونیوئرسیته‌سی بیلیم و تکنولوژی آراشدیرما و اویقولاما مرکزینده (بیتام) ائدیله‌ن آنالیزلرده، سونگریمسی قالیغین، میلاددان اؤنجه ۶ مین ۶۰۰ه تاریخلندیریله‌ن مایالانمیش چؤرک اولدوغو تعیین اولوندو.
قازینتی هیئتی باشقانی و آنادولو اونیوئرسیته‌سیندن دکتر علی اومود توۆرکجان، مایالانمیش چؤرگین ایلک نومونه‌لرینه مصرده راست گلیندیگینی ایضاح ائد‌رک، بو ایفاده‌لری ایشلتدی:
"چاتالهؤیوکدهکی بو کشفین دونیانین ان اسکی چؤرگی اولدوغونو سؤیله‌یه‌بیلریک. بو اورگانیک قالیغین، گؤزلم، آنالیزلر و تاریخلندیرمه‌سینی ده گؤز اؤنونه آلاراق تخمیناً ۸ مین ۶۰۰ ایللیک بیر چؤرک اولدوغونو سؤیله‌یه‌بیلیریک. سومون چؤرگین کیچیلدیلمیش حالی. اورتاسینا بارماق باسیلمیش، تندیره گیرمه‌میش اما مایالانمیش، ایچینده‌کی نیشاستالارلا بیرلیکده گونوموزه گلمیش. بو گونه قدر بئله بیر نومونه یوخ".
