۴ گؤیگزر داها دونیایا قاییتدی
آسترونوتلار، تخمیناً ۶ آیلیق وظیفه چرچیوهسینده اوزای مرکزینه گئتمک اوزره، اسپیس اکس اۆرهتیمی فالکون ۹ راکتی ایله ۲۶ آگوستدا آتیلمیشدی
آمریکا اوزای داشیماچیلیغی شیرکتی اسپیس اکسین کرو-۷ وظیفهسی چرچیوهسینده اوزایا گؤندردیگی آسترونوتلار، اولوسلارآراسی اوزای مرکزیندهکی ۶ آیلیق وظیفهلرینین آردیندان دونیایا قاییتدی.
Space.com اینترنت سایتینداکی خبره گؤره، کرو-۷ وظیفهسی چرچیوهسینده اوزایا گئدن ۴ آسترونوتون ایچینده اولدوغو دراگون کاپسولو، ۱۲ مارسدا یئرلی ساعاتلا ۰۵.۵۰ده، آمریکا بیرلشمیش دؤولتلرینین فلوریدا ایالتینین پنساکولا ساحللریندهکی مکزیک کؤرفزینه ائندی.
آمریکالی آسترونوت یاسمین مقبلی، دانمارکلی آسترونوت آندریاس موگنسن، ژاپنلو آسترونوت ساتوشی فروکاوا و روس کوسمونوت کونستانتین بوریسووون ایچینده اولدوغو کاپسولون دونیایا ائنیشی جانلی اولاراق یایینلاندی.
دونیا اوربیتینده گئچیردیکلری ۱۹۹ گونون آردیندان قاییدان گؤیگزرلرین بیر سیرا ساغلیق کنترلوندان گئچهجگی ایفاده ائدیلیر.
آسترونوتلار، تخمیناً ۶ آیلیق وظیفه چرچیوهسینده اوزای مرکزینه گئتمک اوزره، اسپیس اکس اۆرهتیمی فالکون ۹ راکتی ایله ۲۶ آگوستدا آتیلمیشدی.