آمریکادان نووه سلاحی آچیقلاماسی
"نووه سلاحی ایستیفادهسینه باغلی بیر قراری اصلا صونعی ذکایا بوراخماریق"
آمریکا بیرلشمیش دؤولتلری خاریجی ایشلر باخانلیغی سلاحلارین کنترلو، داشیندیریجیلیق و ثابتلیک مرکزی مشاویری باش کؤمکچیسی پل دین، "نووه سلاحی ایستیفادهسینه باغلی بیر قراری اصلا صونعی ذکایا بوراخماریق" دئدی.
پل دین، وئردیگی آنلاین مطبوعات بریفینگینده، آمریکا رهبرلیگینین "نووه سلاحی ایستیفاده ائتمه قرارینین یالنیز بیر اینسان طرفیندن وئریلهجگی" قونوسوندا "چوخ آچیق و گوجلو بیر تعهد وئردیگینی" وورغولادی.
"نووه سلاحی ایستیفادهسینه باغلی بیر قراری اصلا یاپای ذکایا بوراخماریق." دئیهن دین، اؤلکهسینین بو ایفادهسینین آرخاسیندا دوردوغونو و بونو اینگیلتره و فرانسا ایله بیرلیکده توپلوما آچیقلادیقلارینی قید ائتدی.
دین، "چین و روسیانین دا بنزر بیر آچیقلاما وئرمهسینی ممنونیتله قارشیلایاریق" ایفادهسینی ایشلهدرک، بونون بیرلشمیش میللتلر گوونلیک شوراسینین ۵ دائمی عضوو آراسینداکی اویوم باخیمیندان دا ممنونیتله قارشیلاناجاغینی ایفاده ائتدی.