ایستانبولدا باتری فابریکاسی آچیلدی
اتومبیل برندی توگ ایله الکتریکلی آراج بازاریندا گون گئچدیکجه گوجلنه‌ن تۆرکیه، باتری ساحه‌سینده‌کی یاتیریملارینا دا داوام ائدیر
تۆرکیه‌نین میللی اتومبیل برندی توگ ایله الکتریکلی آراج بازاریندا گون گئچدیکجه گوجلنه‌ن تۆرکیه، باتری ساحه‌سینده‌کی یاتیریملارینا دا داوام ائدیر.
ایستانبولدا قورولان باتری فابریکاسینین آچیلیشینی صنایع و تکنولوژی باخانی محمد فاتح کاجیر گئرچکلشدیردی.
باخان کاجیر، الکتریکلی اتوبوسلاردان الکتریکلی و یاناجاق باتریلی کامیونلارا، یونگول تیجاری واسطه‌لردن ایش ماشینلارینا و الکتریکلی گمیلره قدر فرقلی نقلیات واسطه‌لری اوچون باتری اۆره‌تمه قابیلیتینه صاحب اولان آمپر باتری (Ampherr Batarya)نین آوروپادان آمریکایا قدر بازارلاردا تۆرکیه‌نی غرورلا تمثیل ائدجگینی سؤیله‌دی.
فابریکانین تۆرکیه‌نین علاوه باتری اۆره‌تیم توتومونو آرتیراجاغینی سؤیله‌یه‌ن باخان کاجیر،
"آمپر باتری تکنولوژیلری فابریکاسی ایله، ۲۰۲۴ ایلی سونونا قدر ۵۰۰ مگاوات ساعاتلیق، ۲۰۲۵ و ۲۰۲۶ ایللرینده ایسه مرحله‌لی اولاراق ۲ گیگاوات ساعاتلیق علاوه باتری اۆره‌تیم توتومونا چاتاجاغیق" دئدی.
باخان کاجیر تۆرکیه‌نین بؤلگه‌سل باتری اۆره‌تیم مرکزی اولماسی اوچون یاتیریم و چالیشمالارین سورعتله سۆردوگونو ایفاده ائتدی.
