اوکراینادا روسلارلا چچنلر ال اله
دونتسکده هفته باشیندا اونلارجا انسانین اؤلدوگو چاتیشمالارا، چچنلرین ده روسیا طرفدارلارینین یانیندا قاتیلماسی قایغیلاری آرتیردی
اوکرایناداکی چاتیشمالارا چچنلر ده قاتیلدی.
دونتسکده هفته باشیندا اونلارجا انسانین اؤلدوگو چاتیشمالارا، چچنلرین ده روسیا طرفدارلارینین یانیندا قاتیلماسی قایغیلاری آرتیردی. چچن سلاحلی قروپلارین وارلیغینی هم اوکرایناداکی روسیا یانلیلاری، هم ده چچنیستانیؤنهدیمی قبول ائدیر. دونتسکدهکی چاتیشمالاردا یارالانانلار آراسیندا چچنلر ده وار. اوکراینا یؤنهدیمی، چچنلری بؤلگهیه روسیانین گؤندردیگینی ساوونور.
اوکراینا مسئلهسی، بیرلشمیش میللتلر تشکیلاتینین اوتوروملارینا دا دامغاسینی ووردو. امنیت شوراسیندا اوکراینا ائلچیسی، روسیادان، اوکراینانین دوغوسونا گؤندردیگی یوزلرجه چچن و باشقا پوللو عسگرلری چئکمه چاغرینجا اورتالیق قاریشدی.
روسیا ائلچیسی، اوکراینانی اؤز خالقینی اؤلدورمکله سوچلادی، "۲۰ ایلدیر اؤلکهنین دوغوسو اوچون بیر شئی ائتمیرسینیز، اینسانلار ایش تاپابیلمیر، توپلا توفنگله پروبلئمی حل ائدهبیلمزسینیز" دئدی، کیئو یؤنهدیمینین اؤنجه اؤلکهنین دوغوسوندا قاریشیقلیق یاراتماقدان وازگئچمهسینی ایستهدی.
ایلگیلیلی خبرلر
کنیسهنی یاندیرماغا چالیشان شخص اؤلدورولدو
فرانسادا پلیس، بیر کنیسهنی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقینلاردا 290-دان چوخ اینسان اؤلوب
کنیا-دا داشقینلاردا اؤلنلرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.