کانادادا سالدیری

دونیادا سوچ نیسبتی‌نین ان دوشوک اولدوغو اؤلکه‌لردن کانادا، پلیسه تشکیل ائدیلن سالدیری خبریله سارسیلدی.
اؤلکه‌نین دوغو ساحلین‌دکی نیوبرانزویک بؤلگه‌سینده، حربی فورما گئین بیر نفر، اوچ پلیسی اؤلدوردو، ایکی‌سینی یارالادی. حادثه، مونکتون شهرینده یاشاندی. پلیس، سلاح‌لی بیر شخص خبری آلینجا حادثه یئرینه گئتدی.
سلاح‌لی شخص ائتکیسیز حالا گتیریلمه‌یه چالیشیلارکن چاتیشما چیخدی.‌ حربی فورما گئین، الینده ایکی سلاح اولان سالدیرقان، پلیس‌لرین اوزرینه مرمی یاغدیردی. حادثه یئرینه گئدن پلیس‌لرین اوچو اؤلدو، ایکی‌سی یارالاندی.
آدی‌نین جاستین بوورک اولدوغو آچیقلانان ۲٤ یاشین‌داکی سالدیرقان قاچدی. پلیس شهرده یول‌لاری قاپاتدی، خالق‌دان سالدیرقان یاخا‌لانانا قدر ائولرین‌دن چیخماما‌لارینی ایسته‌دی.
آژانسلار، ٦۹ مین اها‌لی‌سی اولان مونکتون شهرینده گئچن ایلدن بویانا تک بیر سوچ ایشلنمه‌دیگینه دقت چئکیر.