زیندان هلیکوپترله قاچیش
زیندان مسئوللاری ایله گؤروشدوکلرینی ایفاده ائدن متهیو، "اؤنجلیگیمیز هلیکوپتری تاپماق" دئدی
کانادانین کبک ایالتینه باغلی کبک سیتی شهریندکی اورساینویل زیندانینداکی 3 محکوم، هلیکوپترله قاچدی.
کبک ایالت پولیسی سؤزجوسو آنن متهیو، قاچان محکوملارین مشهور جینایت شبکهسی هلس آنجلس (جهنم ملکلری) لیدرلریندن یوئس دنیس یوون لامونتاگن (25)، دنیس لئفئبور (53) و سئرگی پومئرلیو (49) اولدوغونو آچیقلادی.
حادثهنین نئجه میدانا گلدیگینه دایر زیندان مسئوللاری ایله گؤروشدوکلرینی ایفاده ائدن متهیو، "اؤنجلیگیمیز هلیکوپتری تاپماق" دئدی.
قاچان شبکه عضولری، کانادا پولیسینین 2010-جی ایلدکی بیر عملیاتیندا، یوزلرله سیلاح، 41 ماشین، 1 تییاره، 1 هلیکوپتر و 905 مین دوللار پوللا بیرلیکده یاخالانمیشلاردی.
کبکین مونترال شهری یاخینلیغینداکی سن. ژروم زیندانیندا کئچن ایل مارس آییندا دا یئنه هلس آنجلس لیدرلریندن اولان ایکی محکوم هاوالاندیرما اثناسیندا هلیکوپترله قاچمیش آنجاق بیر نئچه ساعات سونرا یاخالانمیشلاردی.
کبک ایالت پولیسینین قاچان محکوملار اوچون بؤلگهده باشلاتدیغی آختارما عملیاتلارینا، کانادا کرالیت آتلی پولیسی (RCMP) قروپلاری دا دستک وئریر.
قاچان 3 نفرین عینی زاماندا 2009-جی ایلدکی جنی کووتو جینایتیله علاقهدار اولدوقلاری سببیله یارغیلانمالاری گؤزلنیلیر.
ایلگیلیلی خبرلر
کنیسهنی یاندیرماغا چالیشان شخص اؤلدورولدو
فرانسادا پلیس، بیر کنیسهنی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقینلاردا 290-دان چوخ اینسان اؤلوب
کنیا-دا داشقینلاردا اؤلنلرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.