چاتیشمالارین کؤلگه‌سینده آتیش‌کس
روسیا یان‌لی‌لاری گئجه روسیا سرحدین‌دکی کنترل نقطه‌لرینه بیر سیرا سالدیری تشکیل ائتدی
اوکراینادا آتیش‌کسه باخمایا‌راق چاتیشما‌لار داوام ائدیر.
روسیا یان‌لی‌لاری گئجه روسیا سرحدین‌دکی کنترل نقطه‌لرینه بیر سیرا سالدیری تشکیل ائتدی. کنترل نقطه‌لرین‌دن ایکی‌سی روسیا طرفدارلاری‌نین الینه گئچدی. کراماتورسک شهرینده روسیا سرحدین‌دکی بیر کنترل نقطه‌سینه ده سالدیران روسیا یان‌لی‌لاری، ٤ اوکراینا عسگرینی اؤلدوردو، بئشینی یارالادی.
اوکراینا اوردوسو، کنترل نقطه‌سینی آیریلیقچی‌لاردان گئری آلدیق‌لارینی بیلدیردی. دونتسک‌ده ده بیر حربی مرکز، ٤ ساعات داوام ائدن چاتیشمانین آردین‌دان روس آیریلیقچی‌لارین الینه گئچدی. اوکراینا عسگرلرینی گیروو آلان روسیا یان‌لی‌لاری، داها سونرا قوموتان‌لاریندان باشقا هامی‌سینی سربست بوراخدی.
بو آرادا اوکراینا دؤولت باشقانی پترو پاراشنکو، سوره‌سی دونن دولان آتیش‌کسی، ۳ گون داها اوزاتدی. پاراشنکو، سوره‌نین بیتیمینده روسیا طرفدارلاری‌نین سرحد بویون‌داکی مرکزلری‌نین باغلانیلماسینی، کنترل نقطه‌لری‌نین قالدیریلماسینی ایسته‌دی. روسیا یان‌لی‌لاری دا، آتیش‌کسی اوزادابیله‌جکلری‌نین سیگنالینی وئردی.
آوروپا بیرلیگی ایله سربست تیجارت آنلاشماسی ایمضالایان پاراشنکو، بروکسل‌دن تام عضولوک اوچون یاشیل ایشیق ایسته‌دی. روسیا دؤولت باشقانی ولادیمیر پوتین ایسه، اوکراینانین آوروپا بیرلیگی ایله آنلاشماسی‌نین قوروخونج نتیجه‌لری اولاجاغینی، بو اؤلکه مال‌لارینا گؤمروک وئرگی‌سی اویقولایابیله‌جکلرینیبیلدیردی. اوکراینا، صادراتی‌نین یوزده ییرمی دؤردونو روسیایا ائدیر.
