اوکراین‌دا حکومت گوجلری بیر موفقیت داها قازاندی
لیسنکو، روسیا مرزین‌دن 20 کیلومتر اوزاق‌لیق‌داکی شهرین اهمیت‌لی قیسیم‌لری‌نین حکومت گوجلری‌نین الینه کئچدیگینی و چاتیشما‌لاردا 52 نفرین حیاتینی ایتیردیگینی آچیقلادی
اوکراین‌دا حکومت گوجلری آیریلیکچی‌لارا قارشی اهمیت‌لی بیر موفقیت داها قازاندی.
باغیمسیزچیلارین کونترولوندا اولان ایکی اهمیت‌لی شهردن بیری اولان لوگانسکدا کونترول بؤیوک نیسبتده اوکراین اوردوسونون الینه کئچدی.
اوکراین میللی گوونلیک شوراسی سؤزچوسو آندری لیسنکو، روسیا مرزین‌دن 20 کیلومتر اوزاق‌لیق‌داکی شهرین اهمیت‌لی قیسیم‌لری‌نین حکومت گوجلری‌نین الینه کئچدیگینی و چاتیشما‌لاردا 52 نفرین حیاتینی ایتیردیگینی آچیقلادی.
لیسنکو، لوگانسکداکی چاتیشما‌لار اثناسیندا اوکراین اوردوسونا عایید سو-25 (سو ایرمی بئش) تیپ‌لی ساواش تییاره‌سی‌نین باغیمسیزچیلاری طرفین‌دن دوشدوگونو، پیلوتون عاقیبتی‌نین ایسه بیلینمه‌دیگینی ایفاده ائتدی.
اوکراین اوردوسونون دونتسکه یؤنلیک بومباردمانی داوام ائدرکن، شهرین اطرافین‌داکی قصبه‌لرده کوچه چاتیشما‌لاری یاشانیر.
دونتسکین نظارت ائدن روسیا طرفداری باغیمسیزچیلیق طرفدارلیغی رهبرلیک، شهره ایستیقامت‌لی بومباردماندا 9 آدامین حیاتینی ایتیردیگینی ائشیتدیردی.
بو آرادا روسیا طرفین‌دن اوکراینین شرقینه گؤندریلن و 17 آوقوست‌دان بری سرحده یاخین روستوو شهرینده بکلئییشینی داوام ائتدیرن 260 تریلی‌لیک کؤمک کروانی‌نین قیسا مدت ایچری‌سینده اوکراینا حرکت ائتمه‌سی گؤزلنیلیر.
35 قیزیل خاچ پرسون‌لی کروانی‌نین کئچیشینی تامین ائتمک اوچون بؤلگه‌ده ایشلرینی داوام ائتدیریر.
بین الخالق قیزیل خاچ تشکیلاتی سؤزچوسو اوان واستون، اوکراین طرفین‌دکی یول‌لارین گوونلیگینی آراشدیردیق‌لارینی و طرف‌لردن لازیم‌لی ضمانتین آلدیق‌لارینی آچیقلادی.
آیریلیکچی‌لارا سلاح کمکی آپارا‌جاقدی دوشونجسیله کؤمک کروانینا شبهه ایله یاخین‌لاشان اوکراین، تیر‌لارین بین الخالق قیزیل خاچ تشکیلاتی‌نین نظارتینده اؤلکه‌یه گیریشینه ایجازه وئره بیله‌جگینی آچیقلامیشدی.
