روس جت‌لری، ناتو اوچاقلارینا ساتاشدی
ساتاشمالارین اوچو سو-24 ساواش اوچاقلاری ایله، دؤردونجو ساتاشما ایسه ایلیوشین ایل38 تیپی دنیز اوچاغی ایله ائدیلدی
روس جت‌لری، قاراد‌نیزده ناتو اوچاقلارینا دؤرد دفعه ساتاشدی.
آمریکانین آوروپا هاوا گوج‌لری قوموتانی ژنرال تود والترز، فلوریدانین اورلاندو شهرینده تشکیل ائدیلن هاوا گوج‌لری درنگی هاوا ساواش‌لاری سیمپوزیوموندا، سؤز قونوسو ساتاشمالارین 10 فوریه‌ده گرچکلشدیریلدیگینی آچیقلادی.
والترز، ساتاشمالارین اوچونون سو-24 ساواش اوچاقلاری ایله، دؤردونجو ساتاشمانین ایسه ایلیوشین ایل38 تیپی دنیز اوچاغی ایله ائدیلدیگینی سؤیله‌دی.
روس اوچاقلاری‌نین آمریکا و متفیق عنصورلارینا بو جور تهلوکه‌لی یاخینلاشماسینین اولابیله‌جک بیر قضا و یا بؤلگه‌ده گرگینلیگین یوکسلمه‌سینه سبب اولاجاغین‌دان قایغی دویولدوغونو دیله گتیرن ژنرال والترز، سون آلتی آیدا روس ساتاشمالاری‌نین دوراغانلاشدیغینی قید ائتدی.
والترز،
"هاوا گوج‌لری بو جور یاخینلاشما‌لاری دقتله ایزلییر. اوست سویه یئتکی‌لی‌لر ده روس‌لاردان، بعضا نتیجه‌سیز دا قالسا، بو جور حرکتلر باره‌ده معلومات آلماغا چالیشیر. بعضا ایسته‌دیگیمیز جاوابی آلیریق، بعضا ده هئچ جاواب آلابیلمیریک" دئدی.
دؤرد یاخینلاشمانین دا بیر بیرین‌دن فرق‌لی شکیل‌لرده اولدوغونو ایفاده والترز، ناتونون یاخینلاشما درجه‌لری و مسافه‌لری قونوسوندا راحاتسیز اولدوغونو دیله گتیردی.
بو جور ساتاشمالارین سببینه باغلی بیر سوال اوزرینه والترز، بو وضعیت‌لرین بعضا یانلیشلیقلا ایله اولدوغونو بعضا ده بیر جور اؤنله‌مه اولا‌راق ائدیلدیگینی ساووندو.
ایلگیلی‌لی خبرلر
روسیه خارکوف ویلایتینده راکت هوجومو حیاتا کئچیریب
روسیه‌نین اوکراینین خارکوف ویلایتینده حیاتا کئچیردیگی راکت هوجوموندا 10 نفر اؤلوب
