پوتین و نتانیاهو سوچی-ده گؤروشدولر

ایسرائیل-ین باش ناظیری بنیامین نتانیاهو ایرانین سوریه-ده کی فعالیت لرینین ساده‌جه ایسرائیلی و اورتا دوغو اولکه لرینی دئییل بوتون دونیانی تهدید ائتدیگینی سؤیله‌دی.  

نتانیاهو بونو روسیا پرزیدنتی ولادیمیر پوتین ایله روسیانین قارا دنیز ساحلیندکی سوچی شهرینده کئچیردیگی گؤروش زامانی دئدی.  

نتانیاهو گؤروشون مطبوعاتا آچیق حیصه‌سینده دئدی کی، هامیمیز بیرگه جهدلرله داعشی مغلوب ائدیریک، آنجاق داعش-دن بوشالان بؤلگه‌لره ایران داخیل اولور. ایرانین ایسرائیل دوولتینی یوخ ائتمه تهدیدلرینه هر گون داوام ائتدیگینی بیر آن بئله اونودمامالیییق.

ایرانین ترور تشکیلات‌لارینی سیلاحلاندیردیغینی، ترورو تشویق ائتدیگینی و موشک پروگرامی‌نین اولدوغونو ایره‌لی سورن نتانیاهو بو وضعیتین بوتون دونیا اوچون تهدید اولدوغونو دئدی.

روسیا پرزیدنتی پوتین ده روسیا-ایسرائیل آراسین‌داکی امکداش‌لیق سویه‌سیندن و هر نؤع  پروبلئمی فعال شکیلده موذاکیره ائتمه ایمکانین‌دان تعریفله سؤز ائتدی.

روس لیدئر ایکی اؤلکه آراسیندا بو سویه‌ده امکداش‌لیق مکانیزمی یارانماسیندان ممنون‌لوغونو دیله گتیریب و نتانیاهونون دا بوندا دستکی‌نین اولدوغونو دیله گتیردی.