سارکوزی یارغیلاناجاق
اتهاملاردان ایلکی، دؤورون لیبی لیدئری معمر قذافیدن میلیونلارلا یورو آلینماسی
فرانسا اسکی پرزیدنتلریندن نیکولا سارکوزی، یولسوزلوق و وظیفهدن سوء ایستیفاده ائتمک اتهاملاردان یارغیلاناجاق.
سارکوزی حاقینداکی بیر چوخ فساد آراشدیرماسینا یاخین قایناقلار، اسکی لیدئرین، ۲۰۰۷دکی سئچیم کامپانیاسیندا ائتدیگی اوصولسوزلوقلارا دایر سوروشدورما قونوسوندا معلومات آلماق اوچون نفوذوندان سوء ایستیفاده ائتمکله سوچلاندیغینی سؤیلهدی.
۲۰۱۲یه دک ۵ ایل جمهورباشقانلیغی ائتمیش اولان سارکوزینین وکیللری، قرارا اعتراض ائدجکلرینی سؤیلهدی.
سئچیم کامپانیاسینین مالیهلشمهسینده اوصولسوزلوقلارلا باغلی ادعالار سببیله تلفن دانیشیقلاری دینلهنن سارکوزینین بیر موخبیر شبکهسی ایله یارغینی کنترل آلتینا آلدیغی شبههلری گوندمه گلمیشدی.
سارکوزینین ۲۰۰۷ سئچیم کامپانیاسینین مالیهلشدیریلمهسی ایله باغلی اتهاملاردان ایلکی، دؤورون لیبی لیدئری معمر قذافیدن میلیونلارلا یورو آلینماسی. قذافی، سارکوزینین باشینی چکدیی باتینین حربی مداخیلهسی نتیجهسینده ۲۰۱۱ده اؤلدورولدو.
دیگر سوچلاما دا لورئال قروپونون وارثی لیلیان بتنکورتدان قانونسوز شکیلده پول آلینماسی. دونیانین ان زنگین قادینی لقبلی بتنکورت دا گئچن ایل ۹۴ یاشیندا اؤلدو.
ایلگیلیلی خبرلر
پرتغالدا ایکی اوچاق هاوادا توققوشدو: 1 اؤلو
هاوایی گؤستریده یئرلی واختلا ساعات 16:05-ده هاوا گؤستریسی زامانی ایکی اوچاق قضایا اوغراییب