کولومبیا پرزیدنتی خوان مانوئل سانتوس، رفراندوما اونای وئریب

کولومبیا پرزیدنتی خوان مانوئل سانتوس، ایمضالادیغی فرمان ایله اؤلکه‌سینده " یاسادیشی ایشلره قارشی رفراندوم" اولا‌راق آدلان‌دیریلان رفراندوما 26 آوقوستدا ائدیلمه‌سینه راضی‌لیق وئریب.

بئله‌لیکله، مارس آییندا کونگره، کئچن آی پرزیدنتلیک سئچیم‌لری‌نین ایلک تورو و هفته سونوندا دا ایکینجی تورو اوچون سس وئرن کولومبیا‌لی‌لار، آوقوست آییندا یئنی‌دن صاندیق باشینا گئده‌جک.

دولت باشقانی سانتوس، کولومبیا‌لی‌لارین بو ایل 4ونجو دفعه صاندیغا گئدجگی رفراندومو تصدیق ائدن ایمضانی آتدی و 26 آوقوستدا رفراندوم دوزنلنمسی‌نین اؤنونو آچدی.

کولومبیا‌داکی یاشیل‌لار اتفاقینا منسوب بعضی سناتورلار اؤتن ایل اؤلکه‌دکی یاسادیشیلیغی اؤنله‌یه‌جک تدبیرلرین قبول ائدیلمه‌سی مقصدی ایله رفراندوم کئچیریلمه‌سی اوچون کولومبیا‌لی‌لارلا ایمضا توپلامیشدی.

"یاسا دیشی ایشلر علیهینه رفراندومو"نون کونگره‌دکی موذاکیره‌لری آوریل آییندا کئچیریلمیش و تصدیق ائده‌رک سانتوسون ایمضاسینا تقدیم اولونموشدو.

کولومبیا‌لی‌لارا موختلیف موضوعلاردا 7 سوالین یؤنلدیلجگی و رفراندومدا قاتیلیمین یوزده 33و یئتیشمسی، نتیجه‌لری‌نین قبولو ایچین یئترلی اولا‌جاق.

رفراندومدا کولومبیا‌لی‌لارا،

"کونگره عضو‌لری‌نین و دولتین یوکسک مرتبه‌لی ایشچی‌لری‌نین امک حاق‌لاری‌نین آزالدیلماسی، یاشا دیشی ایشلردن محکوم اولونان‌لار اوچون جزا ائندیریمینه گئتمه‌سی و بو شخص‌لرین یئنی‌دن دولتده ایشلری، کونگره عضو‌لری‌نین سئچیلمه مدت‌لری‌نین اوچ دؤورله محدودلاشماسی و مال وارلیق‌لارینی آچیقلاما‌لاری، والی‌لیک و بلدیه‌لرین بودجه‌لری‌نین تشکی‌لی" کیمی مسئله‌لرده سوال یؤنلدیله‌جک.