لیبی سولاریندا هفته  سونوندا 204 سیغینماجی اؤلدو

لیبی سولاریندا هفته  سونوندا 204 سیغینماجی اؤلدو.

بیرلشمیش میللتلر اولوسلاراسی گؤچ تشکیلاتی (IOM) طرفین‌دن ائدیلن آچیقلامادا، دون طرابلوسون شرقینده آلت-اوست اولان کیچیک بیر رئزین قاییق 41 موضوعنون قورتاریلدیغی بیلدیریلدی.

آچیقلامادا، جمعه گونو اینسان تاجیرلری‌نین ایستیفاده ائتدیگی "سون درجه تهلوکه‌لی" بیر گمی‌نین بنزر بیر فاجیعه ده آلت-اوست اولدوغو و آرا‌لاریندا 3 کؤرپه‌نین ده اولدوغو 103 موضوعنون اؤلدوغو ایفاده ائدیلدی.

لیبی سولاریندا هفته سونو میدانا گلن فاجیعه لرده عمومیلیکده 204 کؤچمنین اؤلدوگو بیل‌دیریلن آچیقلامادا، بو ایل آغدنیزی باشیندا اؤلن عمومی سیغینماجی ساییسی‌نین دا مینی آشدیغی بیلدیریلدی.

آچیقلامادا، لیبی ساحیل امنیتی‌نین بو ایل ایندییه قدر کیچیک قایقلارلا آوروپا ساحیل‌لرینه چاتماغا چالیشان تخمینن 10 مین قاچقینی گئری چئویردیگی قئید ائدیلیب.

بیرلشمیش میللتلر اولوسلاراسی گؤچ تشکیلاتی باش دیرکتورو ویلیام لیسی سوینگ مسئله‌یه دایر وئردیگی بیاناتدا،

قورتاریلان و لیبی ساحیل گووئنلیغینجه ساحیله گئری قایتاریلان قاچقین‌لارین وضعیتینی بیرینجی الدن آلماق اوچون بو هفته بیر داها لیبییا گئده‌جه‌یم." ایفاده‌سینی ایستیفاده ائتدی.

بیرلشمیش میللتلر اولوسلاراسی گؤچ تشکیلاتی لیبی میسیونو رئیسی اوتمن بلبئی‌سی ده "دنیزده لیبی ساحیل‌لری اورتا‌لاریندا سون گون‌لرده گؤچمن اؤلوم‌لرینده آشیری آرتیم اولدوغو" خبردارلیق ائتدی.

یئرلی و اولوسلار آراسی رسمی قایناق‌لارا گؤره، لیبی ده 24 اؤلکه‌دن گؤچمن وار. بون‌لارین یوزده 95ینی آغدنیزی اوزرین‌دن آوروپایا چاتماغا چالیشان آفریقا‌لی‌لار تشکیل ائدیر.