امریکا اردوسونون سوریه-نی ترک ائدجگی تاریخ آچیقلاندی
پلان‌لاردا هر هانسی دییشیک‌لیک اولمایاجاغی تقدیرده امریکا قوه‌لری‌نین اؤنملی بیر حیسه‌سی مارس آییندا بؤلگه‌دن چیخاجاغی، قالان حیسه‌نین ایسه آوریل آیینادک سوریه-دن آیریلاجاغی ایره‌لی سورولوب.
امریکادا درج اولونان وال استریت ژورنال قزئتی‌نین وظیفه‌دکی و سابیق امریکالی صلاحیت لیلره اساسلاندیردیغی خبرینده بیلدیریلیب: "پرزیدنت دونالد ترامپ ایداره‌سی‌نین ترور تشکیلاتی ی.پ.گ/ پ.کا.کا-نین قورونماسی اوچون هر هانسی پلان حاضرلاماسینی گؤزلمه‌دن آوریل آیی‌نین آخیرینادک سوریه-دن چیخارماغی تاماملایاجاغی گؤزلنیلیر.
صلاحیت‌لی‌لرین بیر نئچه گون عرضینده ترور تشکیلاتی داعش-ین نظارتیندکی سون منطقه‌نین ده اله کئچیریلمه‌سیله امریکانین سوریه-ده کی قوه‌لری‌نین تامامیله چیخاریلماسینا دقت یئتیره‌جک‌لرینی ایفاده ائتدیگی بیلدیریلیب.
پلان‌لاردا هر هانسی دییشیک‌لیک اولمایاجاغی تقدیرده امریکا قوه‌لری‌نین اؤنملی بیر حیسه‌سی مارس آییندا بؤلگه‌دن چیخاجاغی، قالان حیسه‌نین ایسه آوریل آیینادک سوریه-دن آیریلاجاغی ایره‌لی سورولوب.
امریکانین ی.پ.گ-پ.کا.کا-نین قورونماسی مسئله سینده تورکیه ایله گؤروش‌لر کئچیردیگی‌نین، آنجاق بو مسئله ده ایرلیلییش اولمادیغینی بیلدیریلن خبرده صلاحیت لیلر امریکا قوه‌لری‌نین ترور تشکیلاتی ی.پ.گ/ پ.کا.کا اوچون هر هانسی بیر قوروما پلانی اولما‌دان اؤلکه‌دن چیخاجاغینا دقت چکیب‌لر.
مودافعه ناظیرلیگی (پنتاگون) وال استریت ژورنال-دا یئر توتان ادعا‌لارا دایر آچیقلاما یایماق‌دان ایمتینا ائدیر، آنجاق پرزیدنت ترامپ دونن داعش علیهینه کوالیسیونون خاریجی ایشلر ناظیرلری ایجلاسیندا یایدیغی بیاناتدا گله‌جک هفته عرضینده داعش-ین الینده کی تورپاق‌لاری‌نین تامامیله اله کئچیریلدیگینی اعلان ائده بیله جگینی ایفاده ائتمیشدی.
امریکا-نین عسگرلرین بؤلگه‌دن چیخما پروسه سینی یاخیندان تعقیب و کووردیناسیون اوچون تورکیه ایله امریکا آراسیندا بیرگه وظیفه گوجو قورولموشدو.
