اتیوپی هاوا یول‌لاری شیکات ائده‌جک

اتیوپی هاوا یول‌لاری، 157 نفرین اؤلومونه سبب اولان اوچاق فاجیعه‌سینه باغلی "یالان خبرلر" چیخاردیغینی ایره‌لی سوردوگو آمریکا قزئت‌لرینه شیکایت ائده‌جگینی آچیقلادی.

شیرکتین ایداره هئیتی باشقانی تئولده گبرماریام، آمریکانین مشهور قزئت‌لرین‌دن نیویورک تایمز و واشینگتون پوستون فاجیعه‌ ایله باغلی ائتدیگی خبرلرین، اؤلکه‌نین و شیرکتین ایماژینا ضرر وئرمک اوچون چیخاریلمیش "یالان و اساس‌سیز" خبرلر اولدوغونو دیله گتیردی.

"بیز بو مطبوعات اورقان‌لاری ایله باغلی لازیم اولان قانونی آددیم‌لاری آتماغا حاضیریق." گبرماریام بو قزئت‌لرین محکمه‌یه وئریله‌جگینی سؤیله‌دی.

گبرماریام، "ساختا خبرین" مقصدی دونیانین دقتینی، داها اوّلجه ‌ده اوخشار فاجیعه‌لره سبب اولان Boeing 737 Max 8 اوچاق‌لارین‌دان چکمک اولدوغونو سؤیله‌دی.

نیویورک تایمز، هفته ایچینده یایینلادیغی فاجیعه‌یه باغلی خبرده، تخمینن 8 مین ساعات‌لیق اوچوشا صاحب اولان کاپیتان پیلوت یارئد گئتچئوین، Boeing 737 Max 8 -ا باغلی سیمولاتور تحصیلی آلمادیغینی ایره‌لی سورموشدو.

تهئ واشینگتون پوست ایکی ایل اوّل یازدی کی، ایکی پیلوت شیرکتین امنیت پروسه‌دورلاری‌نین ضعیف‌لیگی باره‌ده آمریکا فدرال هاواجیلیق ایداره‌سینه شیکایت وئریب.

اتیوپی هاوا یوللارینا عایید Boeing 737 Max 8  تیپ‌لی یولجو اوچاغی، 10 مارسدا آددیس آبابادا کنیانین باشکندی نایروبی‌ده گئتمک اوچون هاوالاندیق‌دان قیسا مدت سونرا دوشموش، اوچاق‌داکی 157 آدام اؤلموشدو.

ایندونزی‌ده Boeing 737 Max 8، 29 اوکتوبر 2018-جی ایلده سوماترا آداسیندا پانگکال پینانگ شهرین‌دن جاکارتا شهرینده باشلادی.

189  نفرین اؤلدوغو فاجیعه بو تیپ اوچاق‌لارین ایلک فاجیعه‌سی اولوب.

هر ایکی فاجیعه‌ده، اوچاقلارین قالخیشدان سونرا 6 ایله 12 دقیقه‌ آراسیندا هوندورلوک پروبلم‌لرینین آردیندان دوشمه‌سی، بو مودئل‌لرده اوره‌تیمین سبب اولدوغو بیر تکنیکی سهو اولدوغونو ادعالارینی گوجلندیردی.

اتیوپی نقلیات ناظیری داگماویت موگس، دوشن اوچاغین قاراقوتوسونون اؤن آراشدیرما‌لاری نتیجه‌سینده اتیوپی‌دکی اوچاق فاجیعه‌سی ایله ایندونزی‌ده میدانا گلن اوچاق فاجیعه‌سی‌نین سبب‌لری‌نین اوخشار اولدوغونون تثبیت ائدیلدیگینی سؤیلمیشدی.