ایرانا اینستکسلی اؤدمهیه 6 آوروپا اؤلکهسی ده قاتیلدی
E3 اؤلکهلری آلمانیا، اینگیلیستان و فرانسانین ایرانلا تیجارت اوچون قوردوقلاری اینستکس شیرکتینه بلژیک، دانمارک، فنلاند، هولند، نوروئژ و سوئد ده قاتیلدی
E3 اؤلکهلری آلمانیا، اینگیلیستان و فرانسانین ایرانلا تیجارت اوچون قوردوقلاری اینستکس(INSTEX) شیرکتینه بلژیک، دانمارک، فنلاند، هولند، نوروئژ و سوئد ده قاتیلدی.
E3 اؤلکهلری طرفیندن ائدیلن اورتاق آچیقلامادا، آوروپا شیرکتلرینی ایران ایله تیجارتده آمریکا تحریملریندن قوروماغی، ایران ایله نوکلئر آنلاشمانی و تیجارتی قانونی چرچیوهده داوام ائتدیرمگی قارشیسینا هدف قویان تیجارتی دستکلمه وسیلهسینه (اینستکس شیرکتی) بلژیک، دانمارک، فینلاند، هولند، نوروئژ ایله سوئد'ین سهاملی اولاراق قاتیلدیغی ایفاده ائدیلدی.
اورتاق آچیقلامادا، بو آددیم اینستکسی داها دا گوجلندیرمکده و آوروپا ایله ایران آراسیندا قانونی تیجارتی آسانلاشدیرماق اوچون آوروپانین تلاشلارینی گؤسترمکدهدیر. عینی زاماندا، هرطرفلی اورتاق فعالیت پلانینا داوام ائدن باغلیلیغیمیزین آچیق بیر ایفادهسیدیر. قیمتلندیرمهسینی ائتدی.
گئنیش اورتاق فعالیت پلانینین (JCPOA) تام و تأثیرلی تطبیق اولونماسینین سون درجه اهمیتلی اولدوغونون ایفاده ائدیلدیگی آچیقلامادا، ایرانین گئنیش اورتاق فعالیت پلانی بارهسینده مسئولیتلره واخت ایتیرمهدن تام اولاراق اویغون گلمهسی ایستنیلدی.
ژوئیه 2015ده، 5 + 1 اؤلکهلری قروپو (چین، آلمانیا، فرانسا، روسیا، اینگیلیستان و آمریکا)، ایران ایله نوکلئر آنلاشما ایمضالامیش و بو گئنیش اورتاق فعالیت پلانی اولاراق دا خاطیرلانمیشدی.
سؤز موضوعسو اؤلکهلر ایرانین نوکلئر پروقرامینا گیرمگی قبول ائتمهسی قارشیلیغیندا ایجرا اولونان بعضی ایقتیصادی تحریملری قالدیرماغی قبول ائتمیشدی.
لاکین آمریکا پرزیدنتی دونالد ترامپ، کئچن ایل آنلاشمادان چکیلدیکلرینی آچیقلامیش، آوروپا بیرلیگی ایسه علاقهلری داوام ائتدیرمگی ترجیح ائتمیشدی.
تهران رهبرلیگینی نوکلئر آنلاشمادا توتماق ایستهین آلمانیا، اینگیلیستان ایله فرانسا، ایرانلا تیجارتی آسانلاشدیرماق و آوروپالی شیرکتلری آمریکانین تحریملریندن قوروماق اوچون ژانویه 2019دا اینستکسی قورموشدو.
ایلگیلیلی خبرلر
روسیه خارکوف ویلایتینده راکت هوجومو حیاتا کئچیریب
روسیهنین اوکراینین خارکوف ویلایتینده حیاتا کئچیردیگی راکت هوجوموندا 10 نفر اؤلوب