دونیادا کروناویروسا یولوخانلارین سایی 30 میلیونو کئچیب

یئنی نوع کروناویروس اپیدمیسی سببیندن ایندییه ده ک حیاتینی ایتیرنلرین سایی 950 مین 628-ا یاخینلاشیب. ویروسا یولوخانلارین سایی 30 میلیون 356 مینی، انفکسیوندان معالیجه اولوناراق ساغالان اینسانلارین سایی ایسه 22 میلیون 46 مینی کئچیب.

202 مین 114 اینسان ایتکی‌سی و 6 میلیون 867 مین یولوخما فاکتی ایله اپیدمی نین مرکزینه چئوریلن امریکانین نیویورک شهرینده مکتبلرین آچیلماسی هله کیفایت سوییه‌ده حاضیرلیق اولمادیغی سببیله ایکینجی دفعه تاخیره سالینیب. بلدیه باشچیسی سپتامبرین 21-ده آچیلماسی پلانلاشدیریلان ابتدایی  مکتب لرین ۲۹ سپتامبردا، اورتا مکتب و لیسه نین ایسه ۱ اوکتبردا باشلایاجاغینی آچیقلاییب.

ایسپانیا-دا "کووید-19"دان سون بیر هفته عرضینده 419 نفر هلاک اولوب، بونونلا اینسان ایتکیسی 30 مین 405-ا یوکسلیب. ساغلیق ناظیرلیگی سون 24 ساعات عرضینده 11 مین 291 یئنی حادثه‌نین آشکارلاندیغینی و یولوخما سایینین 625 مین 651-ا یوکسلدیینی آچیقلاییب. خسته لیگین سایین‌دا ان جدی آرتیمین پایتاخت مادرید-ده موهاجیرلرین یاشادیغی گونئی محله‌لرین‌ده اولدوغو قئید ائدیلیب. علاوه تدبیرلر گؤرمه‌یه حاضیرلاشان مادرید رهبرلیگی بو محله‌لره بعضی محدودیتلر قویاجاغی و اپیدمی نین ذیروه‌یه چاتدیغی باهاردا فعالیت گؤستر‌ن صحرا خسته خاناسینی یئنی‌دن آچاجاغی گؤزلنیلیر.

پورتوقالییا ساغلیق ناظیرلیگی سون 24 ساعات عرضینده 10 نفرین اؤلدویونو و "کووید-19" سببیله 770 یئنی حادثه‌نین قئیده آلیندیغینی آچیقلاییب. اؤلکه‌ده اینسان ایتکی‌سی 88 مین، حادثه سایی 66 مین 396-یا یوکسلیب.

هیندوستان-‌دا داها 1174 نفرین اؤلومو ایله "جووید-19"دان اؤل‌نلرین سایی 84 مین 404-ا یوکسلیب. اؤلکه‌ده‌کی خسته سایی 96 مین 424 آرتاراق 5 میلیون 214 مینه چیخیب.

4 مین 634 اینسانین اپیدمی سببیله اؤلدوگو چین-ده دنیز محصوللارینده یئنی نوع کروناویرون آشکارلانان اندونزی-لی بیر شیرکتدن وارداتی دایاندیریب.

مراکش‌-ده ساغلیق ناظیرلیگیندن وئریلن آچیقلامایا گؤره، "کووید-19" سببیله داها 28 نفر داها اؤلوب، 2 مین 488 نفرده ایسه ویروس آشکارلانیب. بئله‌لیکله، اؤلکه‌ده اؤلوم سایی مین 71-ا، حادثه سایی ایسه 94 مین 504-ا یوکسلیب. انرژی، معدن و چئوره ناظیری ده ویروسا یولوخدوغونو آچیقلاییب.

افریقا قاره سینده اپیدمی سببیله اؤل‌نلرین سایی سون 24 ساعات عرضینده 174 آرتاراق 33 مین 484 نفره چیخیب. قاره-ده ویروسون یولوخدوغو اینسانلارین سایی 8 مین 610 نفر آرتاراق بیر میلیون 389 مینه چاتیب. 41 مین ساغلیق ایشچی‌سینده یئنی کروناویروس آشکار ائدیلیب. بو گونه قدر "کووید-19"دان ان چوخ اینسان ایتکی‌سی 15 مین 772 اؤلومله گونئی افریقا-دا، 5 مین 715   اؤلومله میصر-ده و 1714 اؤلومله الجزایر-ده قئیده آلینیب.